काठमाडौं– अर्थमन्त्री जनार्दन शर्मा पर्वत पुगेका छन्। पर्वत उद्योग वाणिज्य संघको बिहीबार हुने साधरणसभामा सहभागी हुन भन्दै उनी बुधबार नै पर्वतको कुश्मा पुगेका हुन्।
अमेरिकी नियोग मिलेनियम च्यालेञ्ज कर्पोरेशन (एमसीसी)सँगको अनुदान सहायता सम्झौतामाथि छलफल गर्ने गरी प्रतिनिधि सभाको बैठक बस्ने दिन मन्त्री शर्मा पर्वतमा हुनेछन्।
यसअघि आइतबारको बैठकमा एमसीसी सम्झौता टेबल गर्दा पनि मन्त्री शर्मा अनुपस्थित भएका थिए। आफ्नो मन्त्रालयसँग सम्बन्धित विषय भएपनि मन्त्री शर्माले सम्झौता टेबल गरेनन्।
बिहीबार बस्ने प्रतिनिधि सभाको बैठकको सम्भावित कार्यसूचीमा एमसीसीमाथिको छलफललाई समेटिएको छ। बैठकमा सांसद्हरुले उठाएको प्रश्नको जवाफ अर्थमन्त्रीले नै दिनुपर्ने हुन्छ। तर, मन्त्री शर्मा भने एमसीसी छल्न पर्वत पुगेका हुन् ।
नेकपा माओवादी केन्द्रबाट सरकारमा प्रतिनिधित्व गर्ने मन्त्री शर्मा एमसीसी सम्झौता टेबल गर्न 'तयार' नभएपछि प्रधानमन्त्री शेरबहादुर देउवाले सञ्चार तथा सूचना प्रविधिमन्त्री ज्ञानेन्द्रबहादुर कार्कीलाई जिम्मा दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
