काठमाडौं– पछिल्लो समय नेपालमा थुप्रै विदेशी फिल्मको छायांकन भइरहेको छ। बलिउडको ठूलो बजेट फिल्म ‘उचाइँ’ पछिल्लो समय नेपालमा छायांकन भएको थियो।
त्यसपछि दक्षिण भारतीय अभिनेता विजय सेतुपाथी र केके मेनन पनि नेपालमा फिल्मको छायांकनका लागि आएका थिए। उनीहरुले अभिनय गरेको उक्त फिल्मको छायांकन उपत्यकाको बसन्तपुर क्षेत्रसँगै अन्य क्षेत्रमा भएको थियो।
नेपालमा बढ्दै गएको विदेशी फिल्मको छायांकनमा अर्को फिल्म पनि थपिने भएको छ। दक्षिण भारतीय अभिनेता रामचरणको नयाँ फिल्मको छायांकन नेपालमा हुने भएको छ। फिल्मको छायांकनका लागि फेब्रुअरी २८ मा उनी नेपाल आउन लागेका हुन्।
रामचरणले नेपालमा छायांकन गर्ने फिल्मको नाम सार्वजनिक गरिएको छैन। फिल्मको नेपालमा छायांकनको व्यवस्थापनको जिम्मा लिएको थ्री ह्विल्स प्रालिका अनुसार उक्त फिल्मको छायांकन काठमाडौंसँगै मनाङ र मुस्ताङमा हुनेछ।
कम्पनीका अनुसार फिल्मको छायांकन आउँदो अप्रिलबाट सुरु हुनेछ। मौसमका कारण यसअघि नै हुने भनिएको छायांकन केही पछि सरेको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
