काठमाडौं– नेपाली सिनेमा क्षेत्रमा कलाकारलाई आफ्नो नाममाथि लाग्ने उपाधिको खुबै मोह भएको देखिन्छ। यो उपाधिका कारण कलाकारबीच विवादसम्म हुन्छ। महानायक उपाधिमा बेला बेलामा हुने विवाद पनि यसैको उपज हो।
यसबीच अर्का नेपाली कलाकारले नयाँ उपाधि पाएका छन्। अभिनेता सौगात मल्ललाई ‘लप्पन छप्पन २’को निर्माण पक्षले ‘सुपरस्टार’को ट्याग लगाइदिएको छ। ‘लप्पन छप्पन २’ मुकुन्द भट्टको निर्देशनमा बनेको फिल्म हो। फिल्म कोरोनाका कारण निरन्तर प्रदर्शनबाट पछि पर्दै गएको थियो। पछिल्लो फाल्गुन १३ गते प्रदर्शन मिति तोकेको फिल्म सोही मितिमा सुदर्शन थापाको निर्देशनमा बनेको फिल्म ‘म यस्तो गीत गाउँछु २’ प्रदर्शन हुने भएपछि पछि सर्यो। फिल्म हाललाई फागुन २० गते प्रदर्शन हुने भनिएको छ।
फिल्मको निर्माण पक्षले प्रदर्शन मिति नजिकिँदै जाँदा नयाँ ट्रेलर सार्वजनिक गरेको छ। उक्त ट्रेलरमार्फत उनीहरुले फिल्मका मुख्य अभिनेता सौगात मल्ललाई ‘सुपरस्टार’को ट्याग लगाइदिएका छन्। फिल्मको ट्रेलरमा मल्ललाई ‘सुपरस्टार’ भनिएको छ।
फिल्ममा सौगात मल्लसँगै शिव श्रेष्ठ, अर्पण थापा, अनुप विक्रम शाही लगायतका कलाकारको अभिनय रहेको छ। फिल्मको पटकथा निर्देशक भट्टसँगै अमित शर्मा र सुनिल नेउरेले लेखेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
