प्रधानन्यायाधीशविरुद्ध दर्ता भएको महाअभियोगको एमालेले प्रतिवाद गर्ने

राजनीति

नेपाल लाइभ आइतबार, फागुन १, २०७८ २०:४३

काठमाडौं– नेकपा एमालेको केन्द्रीय सचिवालय बैठकले प्रधानन्यायाधीश चोलेन्द्र शमशेर राणाविरुद्ध दर्ता भएको महाअभियोगको प्रतिवाद गर्ने निर्णय गरेको छ।

अध्यक्ष केपी शर्मा ओलीको निजी निवास बालकोट, भक्तपुरमा बसेको बैठकले महाअभियोगको प्रतिवाद गर्ने र जनतालाई यसको विपक्षमा उभिन आग्रह गर्ने निर्णय गरेको महासचिव शंकर पोखरेलले जानकारी दिए।

बैठकले महाअभियोग दर्ता गर्ने कदमको प्रतिवाद गर्न आवश्यक कदम चाल्न पार्टीको संसदीय दललाई निर्देशन दिएको पनि महासचिव पोखरेलले जानकारी दिए।

बैठकले प्रधानन्यायाधीश राणाविरुद्ध एकाएक आएको महाअभियोग अनुचित र षड्यन्त्रपूर्ण कार्य भएको ठहर गरेको पनि उनले बताए।

‘भोली (सोमबार) ११ वजे बस्ने संसदीय दलले संसदीय प्रक्रियाबाट सत्तारुढ दलले गरेको कार्यको प्रतिवाद हुन्छ,’ उनले भने, ‘यो निर्णय अनुचित र लोकतन्त्रका लागि खतरा देखिएको छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना