काठमाडौं– सरकारले एक महिनाअघि कोरोना महामारी बढेको कारण देखाउँदै सिनेमा हल बन्द गरेपछि प्रदर्शन भइरहेका दुई फिल्म ‘चपली हाइट ३’ र ‘कठपुतली’ को प्रदर्शन स्थगित भएका थिए। महिना दिनसम्म हल बन्द रह्यो। फाल्गुन १ बाट फेरि सिनेमा हल सञ्चालनमा आएपछि दुई फिल्म पुनः प्रदर्शनमा आएका छन्।
पुस १५ बाट प्रदर्शनमा आएको कठपुतलीले हलमा निकै राम्रो व्यापार गरिरहेको थियो। निरन्तर दोस्रो हप्तासम्म दर्शकलाई हलसम्म तानेको फिल्म सिनेमा हल बन्द भएपछि प्रदर्शनबाट हटेको थियो। फागुन १ बाट फेरि फिल्म प्रदर्शनमा आएको छ।
त्यस्तै, थ्रिलर फिल्म शृङ्खला ‘चपली हाइट’को तेस्रो सिक्वेल रहेको ‘चपली हाइट ३’ पटक पटक प्रदर्शन मिति सार्दै सार्दै २७ पुसमा प्रदर्शनमा आएको थियो। हलमा फिल्म तीन दिनमात्रै चल्न भयो। सरकारले महामारी बढेको कारण देखाउँदै सिनेमा हल बन्द गर्ने निर्णय पछि फिल्म स्थगित भएको थियो।
‘चपली हाइट ३’लाई निकेश खड्काले निर्देशन गरेका छन् भने फिल्ममा स्वस्तिमा खड्का, सुपुष्पा भट्टलगायत कलाकारको मुख्य अभिनय छ। त्यस्तै, हरर विधाको फिल्म ‘कठपुतली’मा कर्मा शाक्य, मिथिला शर्मा, उशा रजक लगायतका कलाकारको अभिनय रहेको छ। फिल्मलाई भिमसेन लामाले निर्देशन गरेका हुन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
