राणालाई महाभियोग लगाएर मात्र हुँदैन, थप छानबिन गर्नुपर्छ : नेपाल बार

राजनीति

नेपाल लाइभ आइतबार, फागुन १, २०७८ १२:४५

काठमाडौं– नेपाल बार एसोसिएसनले प्रधानन्यायाधीश चोलेन्द्र शमशेर राणाविरुद्ध महाभियोग लगाएर मात्र नहुने बताएको छ। उनका विषमा थप छानबिन हुनुपर्ने नेपाल बारका महासचिव लिलामणि पौडेलले प्रतिक्रिया दिए।

प्रधानन्यायाधीश राणाविरुद्ध नेपाल बार गत कात्तिकदेखि आन्दोलित छ। कार्यपालिकासँग भाग मागेको, न्यायालयलाई स्वतन्त्र र निष्पक्ष बनाउन नसकेको, विचौलियाले प्रवेश पाएको बारको आरोप थियो।

बार र सर्वोच्च अदालतका न्यायाधीश राणाविरुद्ध आन्दोलनमै रहेका बेला आइतबार सत्तारुढ दलका सांसदले राणाविरुद्ध संसद् सचिवालयमा महाभियोग दर्ता गराएका छन्।

राणाले लोकतन्त्र, मानवअधिकार, जनताको न्याय, विधिको शासन, संवैधानिक स्वतन्त्रता र जिम्मेवार न्यायापालिकाको जगेर्ना गर्न नसकेको महाभियोग प्रस्तावमा उल्लेख गरिएको छ।

यस्तै, सर्वोच्च अदालतलगायत न्यायपालिकाभित्र राणाको कार्यकालमा विकृति, विसंगति र भ्रष्टाचार बढेको, विचौलियाले प्रवेश पाएको र प्रभाव बढाउँदै लगेको उल्लेख गर्दै उनलाई महाभियोग लगाउनुपर्ने अवस्था सिर्जना भएको बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना