आत्महत्याविरुद्धको ‘वरदान’ युट्युबमार्फत् रिलिज

सिनेमा

नेपाल लाइभ बिहीबार, माघ २७, २०७८ २२:३७

काठमाडौं- निर्देशक दीपेन्द्र लामाको निर्देशनमा बनेको लघु चलचित्र ‘वरदान’ युट्युबमार्फत् रिलिज भएको छ। बिहीबार ‘गज्जव टीभी’ नामक युट्युब च्यानलमार्फत् लामाद्वारा निर्देशित ‘वरदान’ रिलिज भएको हो।

फिल्ममा अभिनेता दयाहाङ राई र अभिनेत्री नम्रता श्रेष्ठ मुख्य भूमिकामा छन्। २४ मिनेटको यो फिल्ममा आत्महत्या रोकथामको विषयलाई प्रस्तुत गरिएको छ। नम्रताकै वरिपरि घुम्ने फिल्मको कथामार्फत् मानसिक स्वास्थ्यको विषयमा हरेकले ध्यान दिनुपर्ने सन्देश प्रवाह गर्न खोजिएको छ।

फिल्मको लेखन पनि लामाकै रहेको छ। ‘शुभ मिडिया होम’को ब्यानरमा बनेको फिल्ममा शैलेन्द्र डी कार्कीको छायांकन, निमेष श्रेष्ठको सम्पादन र शैलेश श्रेष्ठको संगीत रहेको छ।

नम्रता र दयासँगै फिल्ममा लुनिभा तुलाधर, प्रवीण खतिवडा, जयनन्द लामा, पुष्कर गुरुङ, शारदा गिरी, सुनिता श्रेष्ठलगायतका कलाकारको अभिनय रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राहुघाटको ‘स्विचयार्ड’ निर्माण सुरू

नेपालको पासपोर्ट झन कमजोर बन्यो

काठमाडौंका यी स्थानमा आज विद्युत आपूर्ति नहुने