‘शक्तिमान’ अब फिल्मको रुपमा

सिनेमा

नेपाल लाइभ बिहीबार, माघ २७, २०७८ १९:०२

काठमाडौं– ९० को दशकका बालबालिकामाझमा निकै चर्चित थियो भारतीय टेलिभिजन कार्यक्रम ‘शक्तिमान’। भारतसँगै नेपाललगायतको भुगोलमा चर्चित यो सुपरशिरो पात्रमाथि त्यत्तिबेला निकै चर्चित टेलिभिजन कार्यक्रम बनेको थियो। अब भने यो चर्चित पात्र फिल्ममा पनि देखिने भएको छ।

भारतीय फिल्म निर्माण कम्पनी ‘सोनी पिक्चर्स’ले आफ्नो आगामी फिल्मको रुपमा ‘शक्तिमान’ बनाउने भएको छ। कम्पनीले बिहीबार भिडियोमार्फत फिल्मको घोषणा गरेको हो। टेलिभिजन कार्यक्रम ‘शक्तिमान’ पात्रलाई नै केन्द्रमा राखेर यो फिल्म निर्माण हुने कम्पनीले घोषणामा बताएको छ।

ट्विटरमा फिल्मको निर्माण कम्पनीले लेखेको छ, ‘भारत र विश्वभर नै थुप्रै सुपरहिरो फिल्महरुको सफलतापछि अबको पालो हाम्रो ‘देसी’ सुपरहिरोको आएको छ।’

फिल्ममा को प्रमुख भूमिकामा हुन्छ र कसले यसलाई निर्देशन गर्नेछ भन्ने बारेमा खुलाइएको छैन्। तर, भारतीय फिल्म विश्लेषक तरन आदर्शले सामाजिक सञ्जालमार्फत दिएको जानकारीमा भने फिल्ममा बलिउडको चर्चित अनुहारले ‘शक्तिमान’को भूमिका निभाउने बताइएको छ।

शक्तिमान सन् १९९७ देखि २००० को मध्यमसम्म भारतीय टेलिभिजनमा प्रसारण भएको कायृक्रम थियो। उक्त टेली फिल्ममा मुकेश खन्नाले सुपरहिरो ‘शक्तिमान’को भूमिका निभाएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपालको पासपोर्ट झन कमजोर बन्यो

काठमाडौंका यी स्थानमा आज विद्युत आपूर्ति नहुने

राष्ट्रपति रामचन्द्र पौडेलद्वारा पृथ्वीनारायण शाहको शालिकमा माल्यार्पण (तस्वीरहरू)