समान्थालाई एउटै गीतको पारिश्रमिक ५ करोड

सिनेमा

नेपाल लाइभ शुक्रबार, माघ १४, २०७८ १२:२२

काठमाडौं– सकुमारको निर्देशन र अल्लु अर्जुन मुख्य भूमिकामा रहेको दक्षिण भारतीय फिल्म ‘पुष्पाः द राइज’ले बक्स अफिसमा निकै सफलता हासिल गरेको छ। सिनेमा हलसँगै ओटिटीमाध्यमबाट रिलिज भएपछि पनि फिल्मको चर्चा उत्तिकै छ। फिल्मको चर्चासँग फिल्ममा भएका गीतहरु पनि निकै चर्चित भएका छन्। मुख्यगरी फिल्ममा भएका ‘श्रीवल्ली’, ‘सामी सामी’ र ‘ओ अन्टभा’ बोलका तीन गीतहरु निकै चर्चामा छन्।

‘पुष्पाः द राइज’को एउटा गीतमा अभिनेत्री समान्था रुथ प्रभुले पनि अभिनय गरेकी छिन्। ‘ओ अन्टभा’ बोलको गीतमा समान्थाको आइटम डान्स देख्न सकिन्छ। दक्षिण भारतीय फिल्मसँगै बलिउड फिल्म र वेब सिरिजमा पछिल्लो समय निकै उपस्थिति देखाइरहेकी समान्थाको पारिश्रमिक पनि यही अनुसार बढेको उदाहरण पुष्पामा उनले लिएको पारिश्रमिकले देखाउँछ। गत वर्ष सार्वजनिक भएको वेब सिरिज ‘द फ्यामेली मेन २’मा गरेको अभिनय र सफलता पछि समान्थाको माग र पारिश्रमिक बढेको हो।

पुष्पामा एउटा गीतमा गरेको अभिनयका लागि समान्थाले ५ करोड भारतीय रुपैयाँ पारिश्रमिक लिएको भारतीय सञ्चारमाध्यमले उल्लेख गरेका छन्। गीत रिलिज भएसँगै गीतको हिन्दी भर्जन अहिलेसम्म पनि युट्युबमा टे्रण्ड गरिरहेको छ। यो गीतमा समान्थाले अल्लु अर्जुनसँग नृत्य गरेकी छिन्। यो गीतको लागि समान्थाले लिएको पारिश्रमिक बलिउड र भारतीय फिल्म क्षेत्रमै धेरैमध्येमा पर्छ।

भारतीय सञ्चारमाध्यम र पुष्पाको दोस्रो भाग बारे बाहिरिएका तथ्यहरुका अनुसार उक्त फिल्ममा पनि समान्थाको नृत्य हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इजरायलबाट पनि २०० प्यालेस्टाइनी बन्दी मुक्त भए

अमेरिकाद्वारा सबै विदेशी सहायता बन्द

नेता तथा कार्यकर्तालाई जनतासँगै खट्न अध्यक्ष दाहालको निर्देशन