आर्थिक विकास लागि निजीक्षेत्रसँग सहकार्य आवश्यक : मुख्यमन्त्री राउत

अर्थ समाचार

नेपाल लाइभ शुक्रबार, माघ १४, २०७८ ०७:३५

काठमाडौं– मुलुकको विकासका लागि निजी क्षेत्रको लागानी आवश्यक रहेको मधेश प्रदेशका मुख्यमन्त्री लालबाबु राउतले बताएका छन्। राजविराजमा आयोजित सप्तरी उद्योग वाणिज्य सङ्घका नवनिर्वाचित पदाधिकारीको पदस्थापन कार्यक्रममा उनले निजी क्षेत्रलाई सहज हुने गरी नीति तथा कार्यक्रम नल्याएसम्म समृद्धि आउन नसक्ने बताए।

राज्यले यसतर्फ ध्यान दिन नसकेको बताउँदै उनले निजी क्षेत्र जग्गा खरिद गर्न ठूलो लगानी गर्न सक्ने अवस्थामा नभएकाले उद्योग सञ्चालन गर्न समस्या भइरहेको बताए। लिजमा जग्गा उपलब्ध गराउने सकिने भन्दै विद्युतमा अनुदान दिने र उद्योग सञ्चालन भएको क्षेत्रमा सुरक्षा दिनेजस्ता कुरा ऐनमा राखिएको उनले बताए।

जनसंख्यामा प्रदेश पहिलो भएपछि अरु क्षेत्रमा पनि मधेश प्रदेशलाई एक नम्बर बनाउने मुख्यमन्त्री राउतले दाबी गरे। विकास, शान्ति सुरक्षा र समृद्धिका मामिलामा मधेश प्रदेश एक नम्बर रहने उनको भनाइ थियो। प्रदेश सरकारले उद्योग ऐन ल्याइसकेको र तीन/चार दिनभित्रै नियमावली पारित गरिने उनले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ललितपुरको टीकाथलीमा बोरिङ खनेर पानी निकाल्न खोज्दा निस्कियो आगोको ज्वाला

एमाले मोरङको १० औँ अधिवेशन : आज मतदान

स्वास्थ्य बीमासहित स्वास्थ्यसँग सम्बन्धित कार्यक्रमका लागि करिब ४ अर्ब रुपैयाँ थप निकासा