काठमाडौं– श्रीलंकाका अफ स्पिनर दिलरुवान परेराले ३९ वर्षको उमेरमा अन्तर्राष्ट्रिय क्रिकेटबाट सन्यासको घोषणा गरेका छन्। उनले राष्ट्रिय टोलीका लागि ४३ टेस्ट खेल खेलेका छन्। जसमा ३५.९ को औसतमा १६१ विकेट लिएका थिए।
यसबाहेक उनले १३ ओडिआई र तीन टी–२० अन्तर्राष्ट्रियमा श्रीलंकाको प्रतिनिधित्व गरेका छन्। उनले आफ्नो अन्तिम अन्तर्राष्ट्रिय खेल जनवरी २०२१ मा इङ्ल्यान्डविरुद्धको घरेलु टेस्ट सिरिजमा खेलेका थिए।
श्रीलंका क्रिकेट (एसएलसी)ले एक प्रेस विज्ञप्ति निकाल्दै उनले अन्तर्राष्ट्रिय क्रिकेटबाट सन्यास लिएका पनि घरेलु क्रिकेट प्रतियोगितामा भने सहभागिता जनाउने जानकारी दिएको छ।
परेरालाई राम्रो स्पिनर साथै तल्लो क्रमका उपयोगी ब्याट्सम्यान मानिन्छ। टेस्ट क्रिकेटमा उनको नाममा आठ अर्धशतक छ। तर, उनको क्रिकेट करिअरका उत्कृष्ट दिनहरु रंगना हेराथको छायाँमा बित्यो। एसियाली भूमिमा उनले हेराथसँगै दोस्रो स्पिनरको रूपमा खेले।
उनी आफ्नो प्रारम्भिक करिअरमा धेरै प्रभावशाली थिए। श्रीलंकाका लागि टेस्ट प्रतियोगितामा उनले सबैभन्दा छिटो ५० विकेट लिएका थिए। उनले यो उपलब्धि ११ औं टेस्ट खेलमा गरेका हुन्। तर, त्यसपछि उनी मैदानमा केही सुस्त देखिए।
परेराले २०१६ मा गालेमा श्रीलंकाले अस्ट्रेलियाविरुद्ध ऐतिहासिक जित निकाल्दा १० विकेट लिएका थिए। यो सिरिजमा श्रीलंकाले क्लिन स्वीप गरेको थियो। त्यसपछि उनले सन् २०१८ मा गालेमा दक्षिण अफ्रिकाविरुद्ध १० विकेट लिए।
उनी रोलिङ पिचहरूमा हेराथ जस्तै प्रभावशाली खेलाडी थिए। उनले आफ्नो डेब्यू खेलमा पाकिस्तानविरुद्ध ९५ रनको उत्कृष्ट इनिङ्स खेलेका थिए, जुन उनको उत्कृष्ट टेस्ट स्कोर पनि हो।
तर, पछिल्लो दुई वर्षमा उनको प्रदर्शन खासै सम्झन लायक रहेन। लसिथ एम्बुल्डेनिया, प्रवीण जयविक्रम र रमेश मेन्डिसको आगमनसँगै उनले प्ले ११ मा स्थान बनाउन सकेनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
