काठमाडौं- यो साता पुँजीबजार मापक परिसूचक (नेप्से) ७३.५९ अंकले बढेको छ। यस साता नेप्से समग्रमा २.५७ प्रतिशतले बढेको हो।
नेप्से परिसूचकसँगै कारोबार रकम पनि बढेको छ। यस सेय बजारमा पुँजीकरण (लगानीकर्ताको सम्पत्ति) एक खर्ब पाँच अर्ब ४१ करोडले रुपैयाँ बढेको छ। गत साता दुई खर्ब छ अर्ब ७८ करोड रुपैयाँ बढेको पुँजीकृत रकम यो साताको कारोबारबाट एक खर्ब पाँच अर्ब ४१ करोड रुपैयाँ थपिएको नेपाल स्टक एक्सचेन्ज (नेप्से)ले जानकारी दिएको छ।
गत बिहीबार सेयर बजारमा कूल पुँजीको आकार ४० खर्ब ३७ अर्ब १२ करोड रुपैयाँ रहेको थियो। यो साता बढेर ४१ खर्ब ४२ अर्ब ५३ करोड रुपैयाँ पुगेको हो।
गत साताको अन्तिम कारोबार दिन बिहीबार नेप्से २८५७.७५ विन्दुमा पुगेर रोकिएको थियो। यो साता पाँचै दिन कारोबार भएको नेप्से तीन कारोबार दिन बढेको थियो भने बाँकी दुई कारोबार दिन बजारमा ‘करेक्सन’ देखिएको थियो। यो साताको पाँच दिनको कारोबारमा नेप्से ७३.५९ अंकले बढेर २९३१.५९ विन्दुमा पुगेर रोकिएको छ।
यस साताका पहिलो दिन आइतबार नेप्से उच्च अंकले बढेर चार महिनायताकै उच्च विन्दुमा पुगेको थियो। आइतबार नेप्से परिसूचक ६९ अंकले बढेर २९२६.७४ विन्दुमा पुगेको थियो। आइतबार कारोबारमा आएका २२९ कम्पनीको एक करोड ८२ लाख ५४ हजार कित्ता सेयर किनबेच भएका थिए। यस दिन कारोबार रकम पनि चार महिनायताकै उच्च भएको थियो। यस दिन नेप्सेमा नौ अर्ब ६७ करोड ६३ लाख १७ हजार रुपैयाँ बराबरको सेयर कारोबार भएको थियो।
यसैगरी, साताको दोस्रो कारोबार दिन सोमबार नेप्से परिसूचक २०.६४ अंक बढेर २९४७.३८ विन्दुमा पुगेको थियो। यसदिन ‘क’ वर्गका कम्पनीको कारोबार मापन गर्ने सेन्सेटिभ परिसूचक ३.७० अंक बढेको थियो। यस दिन कारोबारमा आएका २२४ कम्पनीको एक करोड ४४ लाख ७४ हजार कित्ता सेयर किनबेच भएका थिए। उक्त दिन सात अर्ब ९० करोड १८ लाख ९० हजार रुपैयाँ बराबरको सेयर कारोबार भएको थियो।
साताको दुई कारोबार दिन लगातार उकालो लागेको सेयर बजारमा तेस्रो दिन मंगलबार भने गिरावट आयो। मंगलबार नेप्से १०.७८ अंकले घटेर २९३६.६६ विन्दुमा झरेको थियो। तर, यस दिन ठूला कम्पनीको कारोबार मापन गर्ने सेन्सेटिभ परिसूचक १.१० अंकले बढेको थियो। मंगलबार कारोबारमा आएका २२४ कम्पनीका एक करोड ६० लाख चार हजार ५३० कित्ता सेयर किनबेच भएका थिए। उक्त दिन आठ अर्ब ४४ करोड ३४ लाख १९ हजार ५६१ रुपैयाँ बराबरको कारोबार भएको थियो।
यसैगरी, नेप्सेमा बुधबार पनि गिरावट आएको आयो। बुधबार नेप्से परिसूचक ३८.३५ अंकले घटेर २८९८.३१ विन्दुमा झरेको थियो। त्यस्तै, यस दिन सेन्सेटिभ परिसूचक पनि ७.८१ अंकले घटेको थियो। त्यस दिन कारोबारमा आएका २२८ कम्पनीका एक करोड १८ लाख ३७ हजार २१५ कित्ता सेयर किनबेच भएका थिए। यस दिन छ अर्ब दुई करोड १३ लाख ११ हजार ८८१ रुपैयाँ बराबरको सेयर कारोबार भएको थियो।
मंगलबार र बुधबार घटेको सेयर बजार साताको अन्तिम कारोबार दिन बिहीबार भने सुधार भएको थियो। नेप्से बिहीबार ३३ अंकले उकालो लागेर २९३१.३४ विन्दुमा पुगेको थियो। यस दिन सेन्सेटिभ परिसूचक ४.०९ अंक बढेको थियो। कारोबारमा आएका २२९ कम्पनीका एक करोड ५९ लाख ८९ हजार कित्ता सेयर किनबेच भएका थिए। बिहीबार कूल पाँच अर्ब ७७ करोड ३१ लाख २० हजार रुपैयाँ बराबरको सेयर कारोबार भएको नेप्सेले जानकारी दिएको छ।
यो साता धेरै कमाउने पाँच कम्पनी
सामलिङ पावर कम्पनी : ३९.१६ प्रतिशत
मध्य भोटेकोसी जलविद्युत् कम्पनी : २३.९४ प्रतिशत
तेह्रथुम हाइड्रोपावर कम्पनी : २३.९४ प्रतिशत
सिंगटी हाइड्रो इनर्जी कम्पनी : १५.६० प्रतिशत
बरुण हाइड्रोपावर कम्पनी : ११.९५ प्रतिशत
धेरै गुमाउने पाँच कम्पनी
बोटर्स नेपाल (तरार्ई) कम्पनी : ७.९१ प्रतिशत
नेपाल इन्फ्रास्ट्रक्चर बैंक (निफ्रा) : ४.८१ प्रतिशत
इन्फिनिटी लघुवित्त वित्तीय संस्था : ४.५२ प्रतिशत
मनकामना स्मार्ट लघुवित्त वित्तीय संस्था : ४.२५ प्रतिशत
राष्ट्रिय बिमा कम्पनी (संस्थापक सेयर) : ४ प्रतिशत
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
