काठमाडौं- भारतीय सञ्चारकर्मी (पत्रकार)हरुले विधानसभा निर्वाचनमा हुलाकमार्फत् मतदान गर्न पाउने भएका छन्।
पञ्जाबको मुख्य निर्वाचन अधिकारीको कार्यालयले एक विज्ञप्तिमा जारी गर्दै भारतीय निर्वाचन आयोगले सञ्चारकर्मीहरूलाई हुलाकमार्फत् मतदान गर्न अनुमति दिएको जनाएको हो।
समाचार एजेन्सी पीटीआईका अनुसार आयोगबाट अधिकार प्राप्त सञ्चारकर्मीहरूलाई मात्र यो सुविधा दिइनेछ। यसअघि आयोगले ८० वर्षभन्दा माथिका, असक्षमता भएका र कोभिड–१९ का बिरामीलाई हुलाकमार्फत् मतदान गर्न अनुमति दिएको थियो।
यसबाहेक, खाद्य नागरिक आपूर्ति र उपभोक्ता मामिलाका कर्मचारीहरू, भारतीय खाद्य निगम, अल इन्डिया रेडियो, दूरदर्शन, हुलाक र टेलिग्राफ, रेलवे, बीएसएनएल, विद्युत, स्वास्थ्य, अग्नि सेवा र सिभिल जस्ता अत्यावश्यक सुविधाहरूसँग सम्बन्धित व्यक्तिहरू र उड्डयन कर्मचारीहरूलाई यो विकल्प दिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
