विराटनगर- पछिल्लो २४ घण्टाको अवधिमा प्रदेश १ मा ३२० जनामा कोरोना संक्रमण पुष्टि भएको छ।
सामाजिक विकास मन्त्रालयका अनुसार ५८९ जनाको पीसीआर परीक्षण गर्दा २७२ र २६३ जनाको एन्टिजेन परीक्षण गर्दा ४८ जनामा संक्रमण भएको जनाएको छ। पीसीआर परीक्षणका आधारमा मोरङमा १२९ मध्ये विराटनगरमा ११३, सुनसरीमा १११, झापामा १९, धनकुटामा तीन र प्रदेशबाहिरका १० जनामा संक्रमण पुष्टि भएको हो।
स्थानीय पालिकाअनुसार मोरङको बूढीगंगामा आठ, रंगेली र सुन्दरहरैचामा दुई-दुई, ग्रामथान, उर्लाबारी, कटहरी र पथरी शनिश्चरेमा एक-एक, सुनसरीको धरानमा ८७, इटहरीमा १४, रामधुनीमा चार, दुहबी र हरिनगरमा दुई-दुई, इनरुवा र स्थानीय तह नखुलेका एक-एक, झापाको भद्रपुरमा पाँच, विर्तामोडमा तीन, मेचीनगरमा दुई, बुद्धशान्ति, अर्जुनधारा, बाह्रदशी, दमक, गौरादह, झापा गाउँपालिका र स्थानीय तह नखुलेका एक-एक, धनकुटाको धनकुटा नगरपालिकामा तीन जनामा संक्रमण भएको मन्त्रालयले जनाएको छ।
प्रदेशमा आजै तीन महिलासहित १२ जना कोरोना संक्रमणबाट मुक्त भएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।