शुक्रबारदेखि ‘चपली हाइट ३’को प्रदर्शन

सिनेमा

नेपाल लाइभ बिहीबार, पुस २९, २०७८ १५:४१

काठमाडौं– पटक पटक प्रदर्शनको मिति फेरिरहेको फिल्म ‘चपली हाइट ३’ शुक्रबारबाट प्रदर्शनमा आउने भएको छ। यसअघि पुस १५ मा प्रदर्शन हुने घोषणा भएको फिल्म पछिल्लो पटक सरेपछि शुक्रबारबाट प्रदर्शन हुन लागेको हो।

धेरै अघिदेखि प्रदर्शनको तयारी गरेको फिल्मले कोरोना महामारी केही नियन्त्रणमा आएपछि पहिलो पटक गत पुस २ गते प्रदर्शनको मिति तोकेको थियो। तर, आफ्नो फिल्मसँग दक्षिण भारतीय फिल्म पुष्पाः द राइज प्रदर्शन हुने भएपछि निर्माता अर्जुन कुमारले फिल्मलाई पुस १५ मा सारेका थिए। तर, पुस १६ मा अर्को नेपाली फिल्म कठपुतली प्रदर्शन हुने घोषणा भइसकेको थियो। चलचित्र संघको दुई साताको अन्तरमा नेपाली फिल्म प्रदर्शन गर्नुपर्ने नियम मान्दै फेरि चपली हाइट ३ पुस ३० लाई सरेको थियो।

शुक्रबारबाट प्रदर्शन हुने चपली हाइट ३ लाई निकेश खड्काले निर्देशन गरेका छन्। चपली हाइट फिल्म श्रृङ्खलाअन्तर्गतको यो तेस्रो फिल्म पनि थ्रिलर विधामा रहेको छ।

चपली हाइट ३ सँगै भोलिबाट सिनेमा हलमा एनिमेटेड फिल्म ‘माइ हिरो एकेडेमीया’ पनि प्रदर्शन हुँदै छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लण्डन पुगेका शेखरले भने- नेपालको राजनीतिक अवस्था एकदमै तरल अवस्थामा छ

रवि काठमाडौं आइपुगे, भोलि विहानै अदालत जाने

विद्युत् चुहावट १२.७३ प्रतिशतमा सीमित