काठमाडौं– नेपाल फिल्म छायांकनका लागि उपयुक्त गन्तव्यको रुपमा विकास भइरहेको छ। केही समयअघि मात्रै बलिउडको ठूलो लगानीमा बनेको फिल्म ‘उचाइँ’को छायांकन नेपालमा भएको थियो। महामारीले थलिएको नेपाली सिने क्षेत्रमा सुरज वर्जत्यको निर्देशनमा बनेको उचाइँको छायांकनले सकरात्मक प्रभाव मात्रै पार्ने नभएर अन्य विदेशी सिनेमाको छायांकनका लागि पनि नेपाल उचित गन्तव्य हुनसक्ने प्रचारसम्म गरेको थियो। उचाइँको छायांकनका लागि भारतका प्रसिद्ध कलाकार अनुपम खेर, बोमन इरानी, परिनीति चोपडालगायत कलाकार निर्माण टिमसहित नेपाल आएका थिए।
‘उचाइँ’ पछिल्लो समय नेपालमा छायांकन गरिएको चर्चित फिल्म हो। बलिउडको ठूलो बजेटको सिनेमा र नाम चलेका कलाकारको अभिनय भएका कारण पनि यसको निकै चर्चा भयो। तर, यसअघि पनि नेपालमा यस्ता थुप्रै विदेशी फिल्महरुको छायांकन भएको छ, जसको बजेट ठूलो हुनुका साथै प्रदर्शनपछि दर्शकले दिएको प्रतिक्रिया पनि सकारात्मक छ। बलिउड अभिनेता अक्षय कुमारदेखि ‘मार्वल युनिभर्स’को निर्माण रहेको ‘डक्टर स्ट्रेन्ज’जस्ता फिल्महरु नेपालमा छायांकन भएका छन्।
बलिउडकै कुरा गर्दा सन् १९७२ मा प्रदर्शनमा आएको देव आनन्दको फिल्म ‘हरे राम हरे कृष्ण’ नेपालमा छायांकन भएको थियो। सम्भवतः नेपालमा छायांकन गरिएको बलिउडको पहिलो फिल्म यही थियो। फिल्ममा देव आनन्द र जिनत अमान मुख्य कलाकारको रुपमा थिए। देव आनन्दले सञ्चारमाध्यमसँग कुरा गरेअनुसार ‘हरे राम हरे कृष्ण’ बनाउने सोच उनलाई काठमाडौं घुम्दा आएको थियो। यो फिल्ममा हिप्पीहरुको कथालाई देखाइएको छ।
‘हरे राम हरे कृष्ण’जस्तै नाम चलेका कलाकार र निर्देशकले बनाएका थुप्रै बलिउड फिल्महरुको छायांकन नेपालमा भएको छ। जसमा अमिताभ बच्चन मुख्य भूमिकामा रहेको एस रामनाथनको फिल्म ‘महान (१९८३)’, अनिल कपुर, हेमा मालिनी, ज्याकी श्रफ र डेनी डेन्जोङ्पा मुख्य भूमिकामा रहेको फिल्म ‘युद्ध (१९८५)’, अमिताभ बच्चन र श्रीदेवी मुख्य भूमिकामा रहेको फिल्म ‘खुदा गवा (१९९२)’, सञ्जय कपुर र ममता कुल्कर्नी मुख्य भूमिकामा रहेको फिल्म ‘बेकावु (१९९५)’ लगायतका बलिउड फिल्मको आंशिक नेपालमा छायांकन भएका छन्।
यीसँगै २००४ मा प्रदर्शनमा आएको नेपाली अभिनेत्री झरना बज्राचार्यको अभिनय समेत रहेको बलिउड फिल्म ‘लभ इन नेपाल’को छायांकन नेपालमा पनि भएको थियो। यो फिल्ममा बलिउडका गायक सोनु निगम पनि मुख्य भूमिकामा रहेका छन्।
२०१५ मा प्रदर्शनमा आएको अक्षय कुमार अभिनित ‘बेबी’ पनि नेपालमा छायांकन गरिएको फिल्म हो। स्पाइ थ्रिलर विधामा रहेको यो फिल्मले प्रदर्शनपछि राम्रो व्यापार गरेको थियो। फिल्ममा नेपालको काठमाडौं, ललितपुरलगायत उपत्यकाका विभिन्न क्षेत्रका दृश्यहरु समावेश छन्।
बलिउडजस्तै हलिउडका पनि थुप्रै फिल्महरु नेपालमा छायांकन भएका छन्। यसरी छायांकन गरिएका फिल्महरुमा ‘द गोल्डेन चायल्ड (१९८६)’, ‘बराका (१९९२)’, ‘लिटल बुद्ध (१९९३), ‘सेभेन इयर्स इन टिबेट (१९९७), ‘द फल (२००६), ‘द वायल्डेष्ट ड्रिम (२०१०)’ लगायतका हलिउडका फिल्म र डकुमेन्ट्रीहरु नेपालमा छायांकन भएका छन्। यीमध्ये अधिकांशमा नेपालका दृश्यहरु छन् भने केहीमा नेपालकै कथालाई पनि प्रस्तुत गरिएको छ।
हलिउडको अर्को ठूलो लगानीमा बनेको र चर्चित फिल्म ‘डक्टर स्ट्रेन्ज (२०१६)’ का केही दृश्यहरुको छायांकन पनि नेपालमा भएको थियो। काठमाडौंका पशुपतिसँगै ललितपुरको पाटन दरबार क्षेत्रलगायतमा फिल्मको छायांकन गरिएको थियो। फिल्मको सुरुवातमै देखाइने दृश्यहरुमा यी ठाउँहरु देख्न सकिन्छ। फिल्ममा रहेको कमार ताज भने लण्डनको एक स्टुडियोमा बनाइएको थियो।
नेपालमा आफ्नै सिनेमाको निर्माण बढ्न थालेसँगै विदेशी निर्देशकहरुका लागि यो ठाउँ फिल्म छायांकनको लागि उपयुक्त गन्तव्यको रुपमा विकास भइरहेको छ। तर, पनि नेपालमा पूर्ण रुपमा वा आशिंक रुपमा छायांकन हुने फिल्ममा नेपाललाई विगतमा जस्तै हिमालको देश र देवीदेवताको देशकै रुपमा मात्रै प्रस्तुत गरिएको छ। नेपाली निर्देशकहरुले पनि आफ्नो कथा हिमाल र देवीदेवतामा मात्रै सिमित नभएको कथा भन्न नसक्दा विदेशी सिनेमाहरु, जुन नेपालमा छायांकन हुन्छन्, उनीहरुमा पनि यिनै कुराहरु दोहोरिरहेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-ink-1736572052-1736576540.jpeg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
