काठमाडौं– रामचन्द्र पौडेल नेपाली कांग्रेसको केन्द्रीय सदस्यमा मनोनति भएकोप्रति पार्टीभित्रै आलोचना सुरु भएको छ।
कांग्रेस नेता गुरुराज घिमिरेले महाधिवेशनमा नेतृत्व चयन प्रक्रिया अलग्गिएको व्यक्ति कसरी मनोनीत हुनुभयो? भन्दै प्रश्न गरेका छन्। उनले भनेका छन्, ‘राजनीतिमा नैतिकताको प्रश्न उठाउने उहाँ नैं हैन?अनि साझा सभापति हुन्छु भन्ने नेताको चयन यही हो?’
शेखर कोइराला पक्षका नेता घिमिरे प्रदेश १ को सभापतिमा पराजित भएका थिए।
यसअघि पार्टीको चौधौं महाधिवेशनको नेतृत्व छनोट प्रक्रियाबाट अलग रहने निर्णय गरेका पौडेललाई पार्टी सभापति शेरबहादुर देउवाले हालै केन्द्रीय सदस्यमा मनोनयन गरेका हुन्। सभापति देउवाले पौडेलसहित १० नेतालाई केन्द्रीय सदस्यमा मनोनयन गरेका छन्।
केन्द्रीय सदस्य मनोनीत हुनेमा पौडेलसहित प्रकाशमान सिंह, विमलेन्द्र निधि, विजयकुमार गच्छदार, कृष्णप्रसाद सिटौला, डा। प्रकाशशरण महत, डा। नारायण खड्का, उमा रेग्मी, सुजाता कोइराला र मीनबहादुर विश्वकर्मा रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
