‘ह्यारी पोर्टर’ र ‘डक्टर स्ट्रेन्ज’ शृङ्खलाका नयाँ फिल्मको झलक सार्वजनिक

सिनेमा

नेपाल लाइभ बिहीबार, पुस ८, २०७८ १३:५७

काठमाडौं– हलिउडमा अत्यधिक रुचाइएका ‘ह्यारी पोर्टर’ र ‘डक्टर स्ट्रेन्ज’ फिल्म शृङ्खलाका नयाँ फिल्मको पहिलो झलक सार्वजनिक भएको छ। मार्वल स्टुडियोले बनाएको ‘डक्टर स्ट्रेन्ज इन द मल्टिभर्स अफ म्याडनेस’ र एचबिओ म्याक्सले बनाएको ‘ह्यारी पोर्टरः रिर्टन टु हगवार्टस्’को पहिलो झलक सार्वजनकि भएको हो।

ह्यारी पोर्टर फिल्म शृङ्खला बनेको २० वर्ष पूरा भएको अवसरमा यो शृङ्खलाको नयाँ फिल्मको ट्रेलर सार्वजनिक भएको हो। फिल्ममा ह्यारी पोर्टर फिल्मका पात्रहरु फेरि जादुयी स्कुल हगवार्टस् फकिएको कथालाई देखाइएको छ।

फिल्ममा डेनियल रेडक्लिफ्फे, रुप्रेट ग्रिन्ट, एम्मा वाट्सनलगायतका कलाकारको अभिनय रहेको छ। फिल्म २०२२ को पहिलो दिन एचबिओ म्याक्समार्फत रिलिज हुँदै छ।

अर्को फिल्म शृङ्खला ‘डक्टर स्ट्रेन्ज’ नयाँ फिल्मको टिजर पनि सार्वजनिक भएको छ। मार्वल स्टुडियोको प्रस्तुतिका रुपमा फिल्मको पहिलो झलक सार्वजनिक भएको हो। फिल्ममा डक्टर स्ट्रेन्जले ‘टायमलाइन’ र ‘मल्टिभर्स’को गन्जागोलमा फसेको कथालाई देखाइएको छ।

डक्टर स्ट्रेन्ज भने आउँदो वर्ष मे ६ तारिखदेखि प्रदर्शनमा आउनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राप्रपाको जलपानमा प्रधानमन्त्री पनि उपस्थित

प्रधानमन्त्रीको अभिव्यक्ति सहमति विपरीत छ, कांग्रेसले गम्भीर समीक्षा गर्नुपर्छ : नेता महर

खोलानालामा वातावरणीय बहाव कम, अधिकांश आयोजनाले पालना गरेनन् नियम