काठमाडौं– भारतको जम्मू–कश्मीरमा आज (बुधवार) साँझ चरमपन्थी समूहले गरेको आक्रमणमा एक प्रहरी अधिकारीको मृत्यु भएको छ। प्रहरीका अनुसार अर्को आक्रमणमा घाइते भएका एक नागरिकको पनि मृत्यु भएको छ।
आक्रमणको घटना अनन्तनाग जिल्लाको भएको प्रहरीले जनाएको छ। प्रहरीद्वारा जारी विज्ञप्तिमा भनिएको छ, ‘अनन्तनाग जिल्लाको बिजबिहारा प्रहरी चौकीमा ड्युटीमा रहेका असिस्टेन्ट सब इन्स्पेक्टर मोहम्मद अशरफलाई अतिवादीहरूले अन्धाधुन्ध गोली हानेर गम्भीर घाइते बनाएका थिए। मोहम्मद अशरफलाई उपचारका लागि अस्पतालमा भर्ना गरिएको थियो। श्रीनगरको एक अस्पतालमा, जहाँ उनको मृत्यु भयो।’
यस घटनापछि पूरै इलाकालाई घेराबन्दी गरिएको र चरमपन्थीको खोजी भइरहेको प्रहरीले जनाएको छ।
गोलीबारीको अर्को घटनामा श्रीनगरको इदगाह क्षेत्रमा भएको प्रहरीले जनाएको छ। उक्त घटनामा स्थानिय रउफ अहमदलाई गोली हानेर घाइते बनाएको पनि प्रहरीले जनाएको छ।
‘अहमदलाई गम्भीर अवस्थामा उपचारको लागि श्रीनगरको नजिकैको अस्पतालमा लगिएको थियो जहाँ उनको मृत्यु भयो,’ प्रहरीले भनेको छ।
जम्मू–कश्मीरका लेफ्टिनेन्ट गभर्नर मनोज सिन्हाले संदिग्ध चरमपन्थी हमलाको निन्दा गरेका छन्।
लेफ्टिनेन्ट गभर्नरको कार्यालयले जारी गरेको विज्ञप्तिमा भनिएको छ,‘यी हत्याका लागि जिम्मेवार चरमपन्थी र उनीहरूका ह्यान्डलरहरूलाई छिट्टै न्यायको कठघरामा ल्याइनेछ।’
केही दिन अगाडि मात्रै श्रीनगरमा संदिग्ध चरमपन्थीहरूले प्रहरीको बसमा हमला गरेका थिए। यस आक्रमणमा तीन प्रहरीको मृत्यु भएको थियो भने १२ प्रहरी घाइते भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
