प्रिमियर इन्स्योरेन्स र नेपाल क्लियरिङ हाउसबीच सम्झौता

बैंक/बिमा/सेयर

नेपाल लाइभ बुधबार, पुस ७, २०७८ १८:१८

काठमाडौं- प्रिमियर इन्स्योरेन्स कम्पनी (नेपाल) लिमिटेड र नेपाल क्लियरिङ हाउस (एनसीएचएल)बीच डिजिटल माध्यमबाट भुक्तानी कारोबार गर्नेसम्बन्धी सम्झौता भएको छ।

सम्झौतापत्रमा प्रिमियर इन्स्योरेन्सका नायव प्रमुख कार्यकारी अधिकृत सहदेव तिवारी र एनसीएचएलका प्रमुख कार्यकारी अधिकृत नीलेशमान सिंह प्रधानले हस्ताक्षर गरेका छन्।

उक्त सम्झौतापश्चात् प्रिमियर इन्स्योरेन्स एनसीएचएलको नेसनल पेमेन्ट स्वीचअन्तर्गतको नेसनल पेमेन्ट इन्टरफेस (एनपीआई) सँग जोडिने पहिलो निर्जीवन बिमा कम्पनी बनेको छ। यसले कम्पनीको आन्तरिक भुक्तानी प्रणालीलाई एनसीएचएल-आईपीएस र कनेक्ट आईपीएस प्रणालीसँग जोडी इन्स्योरेन्स दाबी भुक्तानी, क्रेडिट नोट भुक्तानी, एजेन्ट कमिसन, सर्भे पेमेन्ट, तलब, भेण्डर भुक्तानीलगायत आफ्नो लगानीसम्बन्धी कारोबारहरु आबद्ध भएका बैंक खाताहरुबाट सोझै गर्न सक्ने कम्पनीले जनाएको छ।

यसले प्रिमियर इन्स्योरेन्सलाई आफ्ना विभिन्न खाताहरुबाट भुक्तानी कारोबारहरु सहजै आफ्नो अपरेटिङ खातामा सार्न पनि मद्दत पुर्‍याउने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एकता दिवसमा पूर्वराजा ज्ञानेन्द्रको शुभकामना- पूर्ण प्रजातन्त्र अहिले पनि पूरा हुन सकेको छैन

तीन दिनमा दुई हजार बढीले बढ्यो सुनको मूल्य, कतिमा हुँदैछ कारोबार?

यू-१९ महिला विश्वकप क्रिकेट खेल्ने नेपाली टोलीको बिदाई