नेकपा माओवादी केन्द्रका सात भौगोलिक र दुई गैरभौगोलिक प्रदेशमध्ये बागमती प्रदेश अध्यक्षमा सरल सहयात्री पौडेल निर्वाचनमार्फत् अध्यक्ष चयन भएका छन्। सोमबार प्रदेश अध्यक्षका लागि पौडेल र दीनानाथ गौतमबीच चुनावी प्रतिस्पर्धा भएको थियो। प्रदेशमा रहेका २७५ सदस्य (मतदाता)मध्ये पौडेलले १ सय ६२ मत ल्याए। माओवादीमा यसअघि निर्वाचनको अभ्यास हुने गरेको थिएन। निर्वाचन विधिबाट पहिलो प्रदेश अध्यक्ष भएका पौडेलसँग नेपाल लाइभका लागि वीरेन्द्र ओलीले गरेको कुराकानी :
माओवादीमा जनवादी केन्द्रियताका नाममा सधै माथिबाट नाम पढेर सुनाउने, कार्यकर्ताले ताली पिटेर उठ्ने हुन्थ्यो। अहिले निर्वाचित भएर आउँदा कस्तो महसुस भइरहेको छ?
यस्तो अभ्यास माओवादीमा थोरै नौलो जस्तो भयो। माओवादीमा यसअघि जनवादी केन्द्रिताको अभ्यास गरिन्थ्यो। पार्टी आन्तरिक निर्वाचनमा अपनाइने विभिन्न मोडलहरु मध्ये यो पनि एउटा मोडल हो। पार्टीमा सर्वसम्मत रुपमा नेतृत्व चयन गर्न धेरै प्रयास गरियो। हामी सफल हुन नसकेपछि निर्वाचनमा जान बाध्य भयौं। यो विधिबाट देखिनेगरी म आएको छु। हामी सहमति र समझदारीबाट अघि बढ्नेछौं। मलाई भित्रैदेखि नौलो अनुभूति भएको छैन। तर, आममान्छेले माओवादीभित्र प्रतिस्पर्धा हुन थाल्यो भन्नेगरी अनौठो तरिकाले व्याख्यार गरे। होइन भने मलाई खास्सै नौलो लाग्या छैन।
चुनाव गर्दा थोरै तिक्तता भयो होला। माओवादीभित्र पनि विभिन्न गुट उपगुटहरु छन्। ती सबैलाई कसरी मिलाएर लैजानु हुन्छ?
मैले अघिपनि भनेँ, जनवादी मोडल लामो समय अभ्यास गर्यौं। अहिले थोरै फरक अभ्यास गर्न खोजेका हौं। प्रदेश अधिवेशन सकिएर पनि किन पदाधिकारी चयन गर्न सकेनौं भन्ने प्रश्न आयो। त्यसपछि विभिन्न पक्षसँग नेतृत्व टुंगो लगाउन बहस र छलफल गर्यौं। अहिलेको सन्दर्भमा कसले नेतृत्व गर्दा ठीक हुन्छ? भन्ने मामिलामा जो जो क्यान्डिडेट थियौं। ती सबै बसेर धेरै दिन छलफल गर्यौँ। सुरुमा झण्डै ५/६ जना थियौं। निर्वाचन प्रक्रियासम्म आउँदा दुई जना मात्रै केन्द्रित हुन पुगियो। दुई जनाले एकले अर्कोलाई 'लजिकल्ली' छोड्ने स्थिति नभएपछि विधिमा जाउँ भन्ने भयो। निर्वाचन विधिमा जाँदा कुनै मनमुटाप होइन। दुवै खुशी भएर जाउँ। प्यानल बनाएर नजाउँ। प्रक्रियाबाट जे आउँछ त्यो स्वीकार गरेर जाऔं भन्ने सहमति भयो।
हामी प्रतिस्पर्धामा जाने विषयमा दुवै जनाले सहमति गरेको कुरा हो। त्यो प्यानल र गुटको कुरा होइन। पाएको ८६ मत पनि प्यानलबाट आएको होइन। त्यो एक सय ६२ मत पनि प्यालबाट आएको होइन। यो आफ्नै तरिकाले आएको मत हो। बाँकी कमरेडहरु प्रदेश सदस्य हुनुहुन्छ। यसले कुनै समस्या पैदा गर्दैन। बाँकी कुरा समन्वय र सौहार्दपूर्ण तरिकाले जाने कुरा हुन्छ। ती सबैलाई कायम राखेर जान सक्छु जस्तो लाग्छ।
अरु प्रदेशमा माओवादीले अध्यक्षसहित पदाधिकारी चयन गर्न सकेका छैन। ती प्रदेशका सवालमा के भन्नुहुन्छ?
अरु प्रदेशमा पनि उही समस्या छ। हामीले हिजो जुन प्रक्रिया अपनायौं। उहाँहरु पनि त्यही प्रक्रियाको छलफलमा हुनुहुन्छ। सर्वसम्मत जान सबै मनोविज्ञान र पात्रहरुलाई केन्द्रित गरेर बहस छलफल भइरहेका होलान्।
यो सर्वसम्मतको प्रक्रियामा हुँदैन कि क्या हो भन्ने अवस्था उहाँहरु पुग्नु भएको छ जस्तो लाग्छ। पदाधिकारीमा सहमति नभएका प्रदेशहरुले हामीले जस्तै चुनावी प्रक्रिया अवलम्बन गर्नुहुन्छ भन्ने छ। बहुमत अल्पमतबाट नेतृत्व चुनिन्छ। त्यहीँबाट समझदारी बनाएर प्रदेशहरु अघि बढ्छन् भन्ने लाग्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791194094.png)
-1786602170.png)
-1791090469.jpeg)
