यस्तो छ दीपिका र सिद्धान्तको ‘गहराइया’को झलक

सिनेमा

नेपाल लाइभ सोमबार, पुस ५, २०७८ १३:१३

काठमाडौं– दीपिका पादुकोण र सिद्धान्त चतुर्वेदीको अभिनय रहेको फिल्म ‘गहराइया’को टिजर सार्वजनिक भएको छ। दीपिकाले आफ्नो इन्स्टाग्राममार्फत फिल्मको टिजर सार्वजनिक भएको जानकारी दिएकी हुन्।

टिजरको सुरुवातमा दीपिका र सिद्धान्तलाई देखाइन्छ। दुईबीचको प्रेम र सम्बन्धमा आएका उतारचढावको झलक टिजरमा देख्न सकिन्छ। यो फिल्म रोमान्टिक विधामा रहेको छ।

दीपिका र सिद्धान्तसँगै अनन्या पाण्डे, धैर्य करवा, राजत कपुर र नसुरुद्दीन शाह मुख्य भूमिकामा रहेको फिल्ममा आधुनिक प्रेम सम्बन्धको गहिराइलाई प्रस्तुत गरिएको छ।

दीपिकाले फिल्मको टिजर सार्वजनिक भएको जानकारी दिँदै यो फिल्म आफ्नो दिलको टुक्रा भएको लेखेकी छिन्। त्यस्तै, अभिनेता सिद्धान्तले पनि फिल्म आफूलाई एकदमै प्यारो चिज भएको बताएका छन्।

फिल्मलाई सकुन बत्राले निर्देशन गरेका हुन् भने ‘करण जौहर प्रोडक्सन’को ब्यानरमा निर्माण भएको छ। फिल्म आगामी वर्ष जनवरी २५ तारिखमा अमेजोन प्राइममार्फत विश्वभर नै प्रदर्शन हुँदै छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राप्रपाको जलपानमा प्रधानमन्त्री पनि उपस्थित

प्रधानमन्त्रीको अभिव्यक्ति सहमति विपरीत छ, कांग्रेसले गम्भीर समीक्षा गर्नुपर्छ : नेता महर

खोलानालामा वातावरणीय बहाव कम, अधिकांश आयोजनाले पालना गरेनन् नियम