काठमाडौं- प्रधानमन्त्री शेरबहादुर देउवाले बोलाएको सर्वदलीय बैठक सुरु भएको छ। प्रधानमन्त्री निवास बालुवाटारमा बसिरहेको बैठकमा संघीय संसद्मा प्रतिनिधित्व गर्ने एमाले बाहेकका दलहरुको सहभागिता छ।
बैठकमा विभिन्न पार्टीका शीर्ष नेताहरु सहभागी भएका छन्। केही दिनअघि कांग्रेस महामन्त्रीमा निर्वाचित गगन थापा पनि सहभागी भएका छन्। यसअघि केन्द्रीय सदस्य मात्रै रहेका थापा महामन्त्री निर्वाचित भएसँगै सर्वदलीय बैठकमा जाने अवसर पाएका हुन्।
बैठकमा कांग्रेसबाट सभापति देउवा, उपसभापति पूर्णबहादुर खड्का, माओवादी केन्द्रका अध्यक्ष पुष्पकमल दाहाल 'प्रचण्ड' र नारायणकाजी श्रेष्ठ, नेकपा एकीकृत समाजवादीका तर्फबाट झलनाथ खनाल, जसपाबाट डा बाबुराम भट्टराई र उपेन्द्र यादव, लोसपाबाट महन्थ ठाकुर र राप्रपाका बुद्धिमान तामाङ लगायतका नेताहरु सहभागी छन्।
बैठकमा संसद्मा एमालेद्वारा भइरहेको अवरोध तथा एमसीसीका विषयमा छलफल हुने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
