‘लक्का जवान’ र ‘चिसो एस्ट्रे’को प्रदर्शन मिति सार्वजनिक

सिनेमा

नेपाल लाइभ बिहीबार, मंसिर २३, २०७८ २२:१३

काठमाडौं– विगतमा कोरोना महामारीका कारण थलिएको फिल्म क्षेत्र केही समययता सक्रिय भएसँगै धमाधम फिल्म प्रदर्शनका लागि मिति घोषणा भइरहेका छन्। यसबीच बुधबार दुई नयाँ फिल्मको पनि प्रदर्शन मिति घोषणा भएको छ। बुधबार प्रदर्शनका लागि घोषणा हुने फिल्महरुमा ‘चिसो एस्ट्रे’ र ‘लक्का जवान’ रहेका छन्।

दिनेश पाल्पाली (दिन्स)को निर्देशनमा बनेको ‘चिसो एस्ट्रे’ आगामी चैत ४ गतेलाई प्रदर्शन हुने घोषणा गरिएको छ।

नविन लम्साल, दिव्य देव, निकुन श्रेष्ठ, श्रृष्टि श्रेष्ठ, सुशिलराज पाण्डेलगायतका कलाकारहरुको मुख्य भूमिका रहेको यो फिल्म गाउँबाट सहर आएर आधुनिक बन्न खोज्दा एक युवकले भोगेको संघर्षलाई प्रस्तुत गरिएको छ। फिल्म महेशबाबु तिमल्सिनाको निर्माणमा बनेको छ।

शिवहरी पौड्यालको लेखन तथा निर्देशनमा बनेको फिल्म ‘लक्का जवान’ आगामी वर्ष वैशाखका लागि घोषणा गरिएको छ।

प्रियंका कार्की, दिलीपराज रायमाझी, सलोन बस्ने, बर्षा सिवाकोटीलगायतका कलाकार यो फिल्ममा मुख्य भूमिकामा छन्। फिल्मलाई अनसुया श्रेष्ठ वन्तले निर्माण गरेकी छिन्। फिल्म हास्यव्यंग्य विद्यामा रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्कर्पियो–कार ठक्कर : १३ घाइतेमध्ये १ जनाको मृत्यु

सशस्त्र र नेपाल प्रहरी विधेयक संसदमा पेश गर्न मन्त्रिपरिषदको स्वीकृति

राप्रपाको जलपानमा प्रधानमन्त्री पनि उपस्थित