काठमाडौं– ‘बाहुबली’ निर्देशक एसएस राजामौलीको निर्देशनमा बनेको बहुप्रतिक्षित फिल्म ‘आरआरआर’को ट्रेलर सार्वजनिक भएको छ। दक्षिण भारतीय सिनेमाका स्टार जुनियर एनटीआर, राम चरणसँगै बलिउडका चर्चित हस्तीहरु अजय देवगन, आलिया भट्ट लगायतको अभिनय रहेको फिल्मको ट्रेलर सार्वजनक भएको हो।
तमिल, हिन्दी, कन्नडलगायतका विभिन्न भाषामा सार्वजनिक भएको ट्रेलर एक्सनले भरिएको छ। सन् १९२० को दशकमा अंग्रेजले शासन गरिरहेको भारतमा आफ्नो देशका लडेका दुई भारतीयहरुको कथालाई देखाइएको छ। फिल्ममा दुई फरकफरक समयको कथालाई देखाइएको छ।
फिल्ममा जुनियर एनटिआर कोमारम भिलको भूमिकामा देखिएका छन्। त्यस्तै, राम चरण अल्लुरी सितारामा राजु र आलिया भट्ट सीताको भूमिकामा देखिएका छन्। फिल्ममा अजय देवगण पनि प्रमुख भूमिकामा छन्। यी बाहेक फिल्ममा समुथिराकनी, अलिसन डोडी, रे स्टेभेनसन, श्रीया सरण, अरुन सागर लगायतको अभिनय रहेको छ।
राजमौलीकै लेखनमा बनेको यो फिल्म हिन्दी, तेलगु, तामिल, कन्नडा र मलायमसहितका भाषाहरुमा प्रदर्शन हुँदैछ। फिल्म आगामी वर्ष जनवरी ७ मा प्रदर्शन हुँदैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768395492.png)
-1768391713.png)
-1764146706.png)
