‘कठपुतली’को ट्रेलर सार्वजनिक

सिनेमा

नेपाल लाइभ बुधबार, मंसिर २२, २०७८ १९:१२

काठमाडौं- भिमसेन लामाको निर्देशनमा बनेको बहुप्रतिक्षित फिल्म ‘कठपुतली’को ट्रेलर सार्वजनिक भएको छ। बुधबार काठमाडौंको छाया सेन्टरस्थित छाया सिनेमामा एक कार्यक्रमबीच फिल्मको ट्रेलर सार्वजनिक गरिएको हो। फिल्म ‘हरर’ विधामा रहेको छ।

फिल्ममा एउटा त्यागिएको घरमा राष्ट्रिय सङ्‍कटबीच शरण लिन पुगेका राजकुमार र उनले देखेका असाधारण गतिविधिबाट बच्न उनले गरेको सङ्‍घर्षलाई प्रस्तुत गरिएको छ। उक्त दरबारमा उसले लामो समयदेखि लुकाइएका आफ्ना पुर्खाहरुको यथार्थ र आत्माहरुसँग साक्षत्कार गरेको कथा फिल्ममा प्रस्तुत छ।

लामाले यही फिल्मबाट डेब्यू गरेका हुन्। यसअघि उनले थुप्रै लघु चलचित्रहरु बनाइसकेका छन्, जुन थुप्रै अन्तर्राष्ट्रिय महोत्सवहरुमा पनि प्रदर्शन भएका थिए। फिल्मको लेखन तथा कार्यकारी निर्माण सम्पदा मल्लले गरकी छन्। फिल्म पृथ्वी राना मगरको लगानीमा निर्माण भएको हो।

कार्म, मिथिला शर्मा, उषा रजक र गौरी मल्ल यो फिल्ममा मुख्य भूमिकामा छन्। यीसँगै ध्रुव कोइराला, लोकमणि सापकोटा, सुवर्ण थापा, विष्म जोशीलगायतका कलाकारको यो फिल्ममा अभिनय छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्कर्पियो–कार ठक्कर : १३ घाइतेमध्ये १ जनाको मृत्यु

सशस्त्र र नेपाल प्रहरी विधेयक संसदमा पेश गर्न मन्त्रिपरिषदको स्वीकृति

राप्रपाको जलपानमा प्रधानमन्त्री पनि उपस्थित