फिल्ममा काम नपाएपछि टेलिभिजन होस्ट बनेका थिए अमिताभ बच्चन

सिनेमा

नेपाल लाइभ आइतबार, मंसिर १९, २०७८ १४:४७

काठमाडौं- बलिउडका स्टार अमिताभ बच्चनको आफ्नै इतिहास छ। अमिताभले बलिउडलाई ‘शोले’जस्तो फिल्म दिएका छन् भने पछिल्लो दशकमा पनि उनले अभिनय गरेका ‘पिकु’ जस्ता सफल फिल्महरु छन्।

फिल्ममा चमत्कार गरेका अमिताभ पछिल्ला केही वर्षयता भने टेलिभिजन कार्यक्रम ‘कौन बनेगा करोडपति’ सञ्‍चालकका रुपमा देखिँदै आएका छन्।

भारतीय च्यानल ‘सोनी टेलिभिजन’मार्फत् प्रसारण हुने यो कार्यक्रमले हालसालै हजार एपिसोड पूरा गरेको छ। उक्त अवसरमा कार्यक्रमका सञ्चालक रहेका अमिताभको परिवार कार्यक्रम सेटमा देखिएको थियो। परिवारका तीन पुस्ता टेलिभिजनमा देखिएका थिए।

कार्यक्रमको यो अवसरमा अमिताभ भने केही भावुक देखिए। २१ वर्षदेखि चलिरहेको कार्यक्रममा अमिताभले आफू फिल्मबाट टेलिभिजनमा आउनुको कारण खुलाए। उनले भने, ‘जब म फिल्मबाट टेलिभिजनतिर आइरहेको थिएँ, तब मलाई मानिसहरुले यस्तो नगर्न भनेका थिए। उनीहरुले मलाई मेरो छविलाई घाटा हुने भन्दै टेलिभिजनमा काम नगर्न भनेका थिए। तर, म टेलिभिजनमा काम गर्न बाध्य थिएँ।’

अमिताभले थप बोल्दै आफ्नो त्यो बाध्यताको बारेमा खुलाएका छन्। उनले भने, ‘मलाई फिल्ममा काम दिइएको थिएन। काम नभएपछि म टेलिभिजनमा आएको थिएँ। तर, पहिलोपटक ब्रोडकास्ट भएपछि पाएको प्रतिक्रियाले मलाई खुसी बनाएको थियो।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्कर्पियो–कार ठक्कर : १३ घाइतेमध्ये १ जनाको मृत्यु

सशस्त्र र नेपाल प्रहरी विधेयक संसदमा पेश गर्न मन्त्रिपरिषदको स्वीकृति

राप्रपाको जलपानमा प्रधानमन्त्री पनि उपस्थित