सुन तस्करीमा सघाएको आरोपमा अन्तर्राष्ट्रिय विमानस्थलबाट प्रहरी जवान पक्राउ

सुरक्षा/अपराध

नेपाल लाइभ आइतबार, मंसिर १९, २०७८ १३:३२

काठमाडौं- सुन तस्करीमा सहयोग गरेको आरोपमा त्रिभुवन अन्तर्राष्ट्रिय विमानस्थलबाट एक प्रहरी जवान पक्राउ परेका छन्।

पक्राउ पर्नेमा लागुऔषध नियन्त्रण ब्यूरोमा कार्यरत रहेका प्रहरी जवान राजेन्द्र केसी रहेको त्रिभुवन विमानस्थल भन्सार कार्यालयका प्रमुख भन्सार प्रशासक महेश भट्टराईले जानकारी दिए।

विदेशबाट फर्कंदा काँचो सुनलाई भन्सार छल्न गहना आकारको बनाएर ल्याउन थालेपछि त्रिभुवन विमानस्थल भन्सार कार्यालयले जाँचमा कडाइ गरेको थियो। कडाइ भएपछि सुन पास गराउन सहयोगी भूमिका जवान केसीले गरेको पाइएपछि पक्राउ गरिएको भट्टराईले बताए।

उनलाई शनिबार पक्राउ गरिएको हो। विदेशबाट आएका यात्रुको सुनसमेत जवान केसीले बोकेको सीसी टीभी फुटेजमा देखिएको भन्सार कार्यालयले जनाएको छ।

सुन ल्याउने यात्रु र जवान केसी दुवैलाई महानगरीय प्रहरी वृत्त गौशालामा राखेर अनुसन्धान गरिएको विमानस्थलका डीआईजी राजेशनाथ बाँस्तोलाले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज अन्तरराष्ट्रिय निःशस्त्रीकरण दिवस, विभिन्न कार्यक्रमका साथ मनाइँदै

यस्तो छ आजको मौसम पूर्वानुमान

प्रतिनिधिसभामा आज ५ अध्यादेश पेश हुँदै