‘बुलबुल’पछि विनोदको नयाँ फिल्म ‘रबर सिटी’

सिनेमा

नेपाल लाइभ बिहीबार, मंसिर १६, २०७८ ०७:३०

काठमाडौं– आफ्नो पहिलो फिल्म ‘बुलबुल’को निर्देशनमार्फत चर्चा र सफलता दुवै पाएका निर्देशक विनोद पौडेलले नयाँ फिल्मको घोषणा गरेका छन्। विनोदले बुधबार आफ्नो आगामी फिल्म ‘रबर सिटी’को घोषणा गर्द पोस्टर सार्वजनिक गरेका हुन्।

सम्पूर्ण छायांकन अमेरिकामा हुने फिल्ममा भुटानी शरणार्थीको कथालाई समेटिनेछ। नेपालबाट अमेरिका पुगेका भुटानी शरणार्थीहरुले अमेरिकाको ‘रबर सिटी’ भनिने एक्रोन शहरलाई दिएको नयाँ जीवन दिएकाले सोही प्रसंगसँग मिल्ने नाम फिल्मलाई दिइएको विनोद बताउँछन्।

अवेकन प्रडक्सन र बाँस्कोटा प्रडक्सनले संयुक्त रुपमा निर्माण गर्ने फिल्मको कथा विनोद आफैंले लेखेका छन्। आगामी वर्षको मार्चदेखि छायांकन सुरु गरिने फिल्ममा हालसम्म विक्रमकुमार शर्मा, राधा लम्साल र सुशांक मैनालीलाई अनुबन्धित गरिएको छ।

अंतिक पौडेलले खिच्ने फिल्ममा अबिरल थापा, किर्तना बाँस्कोटा, यतिन पखरानी, भक्त रिजाल र राजु पौडेलको लगानी रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्कर्पियो–कार ठक्कर : १३ घाइतेमध्ये १ जनाको मृत्यु

सशस्त्र र नेपाल प्रहरी विधेयक संसदमा पेश गर्न मन्त्रिपरिषदको स्वीकृति

राप्रपाको जलपानमा प्रधानमन्त्री पनि उपस्थित