काठमाडौं- मंगलबार रातिसम्म सबै फ्रेन्चाइजीहरूसँग २०२२ को इन्डियन प्रिमियर लिग (आईपीएल) का लागि खेलाडीहरू ‘रिटेन’ गर्ने अन्तिम मौका थियो।
जसमध्ये आठ फ्रेन्चाइजीहरूले जम्मा २७ खेलाडीहरू ‘रिटेन’ गरेका छन्। यी सबै खेलाडीलाई रिटेन गर्नका लागि फ्रेन्चाइजीहरूले २६९ करोड रुपैयाँ खर्च गरेका छन्। यी २७ खेलाडीमध्ये १९ भारतीय, चार ‘अनक्याप्ड’ र आठ विदेशी खेलाडी छन्।
महेन्द्रसिंह धोनी, विराट कोहली, रोहित शर्मा, जसप्रित बुमराह, आन्द्रे रसेल, सुनिल नारायण र ग्लेन म्याक्सवेल जस्ता ठूला खेलाडीहरू ‘रिटेन’ भएका छन्।
चेन्नई सुपर किंग्स
खेलाडी रिटेन : रविन्द्र जडेजा, महेन्द्रसिंह धोनी, मोइन अली, ऋतुराज गायकवाड
चेन्नईले धोनीलाई रिटेन्सन लिस्टमा पहिलो स्थानमा राखेको थियो र उनीसँगै जडेजा पनि सन् २०११ देखि फ्रेन्चाइजीसँग सम्बद्ध रहेका खेलाडीमा पर्छन्।
यस लिस्टमा धोनीको नम्बर कहाँ पर्नेछ भन्ने चर्चाको विषय थियो। धोनी आफूलाई चौथो नम्बरमा राख्न चाहन्थे तर चेन्नईले उनलाई टप-२ मा राखेको छ। जडेजा १६ करोडको रिटेन्सन रकमसहित पहिलो स्थानमा छन्।
फाफ डु प्लेसिसबीच कडा प्रतिस्पर्धा भए पनि मोइन अली तेस्रो नम्बरमा थिए। तर, अन्त्यमा उनले ६ करोड भारुमा आफ्नो नाम रिटेन्सन लिस्टमा तेस्रो नम्बरमा राखेका छन्।
यी ठूला खेलाडी रहेनन् : फाफ डु प्लेसिस, ड्वेन ब्राभो, सुरेश रैना, दीपक चाहर
दिल्ली क्यापिटल्स
खेलाडी रिटेन: ऋषभ पन्त, अक्षर पटेल, पृथ्वी शा, अन्रिक नोर्खिए
रिकी पोन्टिङको कोचिङमा दिल्ली क्यापिटल्स विगत तीन सिजनमा ‘प्ले अफ’ पुगेको छ। र, फ्रेन्चाइजीले आफूलाई सबैभन्दा बढी विश्वास गर्ने चार खेलाडीहरूलाई टोलीमा निरन्तरता दिएको छ।
जसमा श्रेयस अय्यर परेका छैनन्। दिल्लीले ऋषभलाई कप्तान बनाएपछि श्रेयसको स्थान शंकास्पद थियो। श्रेयसले लिलामीमा ठूलो रकम अपेक्षा गरिएको छ, धेरै टोलीलाई कप्तान पनि चाहिन्छ र श्रेयसमा कप्तानीको गुण छ।
यी ठूला खेलाडी रहेनन् : श्रेयस अय्यर, आवेश खान, रविचन्द्रन अश्विन, कागिसो रबाडा
कोलकाता नाइट राइडर्स
खेलाडी रिटेन: आन्द्रे रसेल, वरुण चक्रवर्ती, वेंकटेश अय्यर, सुनिल नारायण
कोलकाताका सीईओ भेन्की मेसरलेशुभमन गिललाई बाहिर राख्नु एक कठिन निर्णय भएको बताएका छन्। तर, चक्रवर्ती र वेंकटेश जस्ता खेलाडीहरूलाई लिलामी पूलबाट फिर्ता ल्याउन पनि सजिलो थिएन।
यी ठूला खेलाडी रहेनन् : ओएन मोर्गन, शुभमन गिल, दिनेश कार्तिक, लोकी फर्ग्युसन
मुम्बई इन्डियन्स
खेलाडी रिटेन: रोहित शर्मा, जसप्रित बुमराह, सूर्यकुमार यादव, किरोन पोलार्ड
रोहित र बुमराहलाई रिटेन्सनमा राख्नु स्वाभाविक थियो भने तेस्रो स्थानका लागि सूर्य कुमार र इशान किशनबीचको निर्णय गर्न सजिलो थिएन। सूर्य कुमारले इशानलाई पछि पारेका छन् भने पोलार्ड चौथो स्थानमा यथावत छन्।
यी ठूला खेलाडी रहेनन् : हार्दिक पाण्ड्या, इशान किशन, ट्रेन्ट बोल्ट र राहुल चाहर
पञ्जाब किंग्स
खेलाडी रिटेन: मयंक अग्रवाल, अर्शदीप सिंह
पञ्जाबले दुई खेलाडीलाई मात्रै राखेको छ। जसमध्ये एक अनक्याप गरिएको छ।
यी ठूला खेलाडी रहेनन् : केएल राहुल, रवि बिश्नोई, क्रिस गेल, निकोलस पूरन
राजस्थान रोयल्स
खेलाडी रिटेन: सन्जु स्यामसन, जोस बटलर, यशस्वी जैसवाल
राजस्थानले जोफ्रा आर्चरलाई कायम राख्न सक्छ? यो एउटा प्रश्न हो। जसले व्यवस्थापनलाई सताइरहेको छ।
राजस्थानले आफ्ना विकेटकिपर ब्याट्सम्यान सञ्जु र जोस बटलरका साथै युवा ब्याट्सम्यान यशस्वी जैसवाललाई विश्वास गरेको छ। लिलामीको समयमा राजस्थानको पर्समा ६२ करोड रुपैयाँल भारु पनि हुनेछ।
यी ठूला खेलाडी रहेनन् : बेन स्टोक्स, जोफ्रा आर्चर
रोयल च्यालेन्जर्स बैंगलोर
खेलाडी रिटेन: विराट कोहली, ग्लेन म्याक्सवेल, मोहम्मद सिराज
बेंगलुरुले रिटेन गरेका तीन खेलाडीमध्ये पहिलो स्थानमा रहेका छन् विराट। उनलाई १५ करोड रुपैयाँ रिटेन गरिएको हो। जुन पछिल्लो २०१८ लिलामीको तुलनामा २ करोड कम हो। तर, परिस्थिति बदलिएको छ र कोहली अब कप्तान पनि रहने छैनन्।
ग्लेन म्याक्सवेललाई आफ्नो आईपीएल करिअरमा पहिलो पटक टोलीले राखेको छ। र, उनी दोस्रो स्थानमा छन् भने मोहम्मद सिराज तेस्रो खेलाडीको रूपमा बैंगलोरबाट खेल्नेछन्।
यो सूचीमा युजवेन्द्र चहल, हर्षल पटेल, देवदत्त पडिकल जस्ता खेलाडीको नाम नआउनु पक्कै पनि अचम्मको कुरा हो।
यी ठूला खेलाडी रहेनन् : देवदत्त पडिककल, हर्षल पटेल, युजवेन्द्र चहल
सनराइजर्स हैदरावाद
खेलाडी रिटेन: केन विलियम्सन, अब्दुल समद, उमरान मलिक
सनराइजर्स हैदरावादले रशिद खानलाई रिलिज गरेको छ। राशिदलाई सन् २०१७ मा सन्राइजर्सले पहिलो पटक राखेको थियो। त्यसपछि २०१८ मा ९ करोड खर्च गरेको थियो। तर, अब उनी यस टिममा रहन चाहँदैनन्।
यसबाहेक सनराइजर्सले दुई अनक्याप्ड खेलाडीहरूलाई रिटेन गरेको छ र ती दुवै जम्मु कश्मीरका हुन्- अब्दुल समद र उमरान मलिक।
उमरानको लागि अन्तिम डेब्यू सिजन उत्कृष्ट थियो। जहाँ उनले आफ्नो बलिङ गतिले सबैलाई चकित पारे। उनले लगातार १५० किलोमिटर प्रतिघण्टाको गतिमा बलिङ गरेका थिए। सनराइजर्सको पर्स लिलामीमा अब ६८ करोड रुपैयाँ बाँकी छ।
यी ठूला खेलाडी रहेनन्: डेभिड वार्नर, जोनी बेयरस्टो, राशिद खान, भुवनेश्वर कुमार
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764157624.png)
-1764146706.png)
-1764080971.png)
-1763721444.png)
-1763559424.jpg)
