चितवन- सौराहामा जारी नेकपा एमालेको १०औँ राष्ट्रिय महाधिवेशन अन्तर्गत सम्पन्न मतदानको मतगणना सुरु भएको छ। निर्वाचनको मत गणना सुरु भएको र अबको अढाई घण्टामा परिणाम आउने केन्द्रिय निर्वाचन आयोगका प्रमुख विजय सुव्वाले बताए।
‘सवै मेसिनबाट आएको मत ल्याएर जोड्ने कार्य भइरहेको छ’ उनले भने ‘अब अढाई घण्टा जति लाग्छ ६९ मेसिनबाट आएको रेकर्ड जोडेर हामी अन्तिम नतिजा दिन्छौ। ’
चार बजेबाट सुरु भएको मतदान सम्पन्न गरेपछि मेसिनमा आएको परिणाम जोड्ने कार्य भइरहेको उनले बताए। कुल २०९६ जनाले मतदान गरेको निर्वाचन आयोगले जनाएको छ।
उनका अनुसार करिव ३ वजे आयोगले बन्दसत्रको हलमा अन्तिम परिणाम सुनाउने छ। एमाले महाधिवेशनमा दुई हजार १५३ जना प्रतिनिधि सहभागी थिए। महाधिवेशनअन्तर्गत विभिन्न ५० पदका लागि मतदान भएको थियो।
निर्विरोध निर्वाचित भएका पदबाहेक ५० पदमा ८० जनाको उम्मेदवारी परेपछि ती पदमा मात्रै मतदान गराइएको दाहालले बताए। महाधिवेशनमा अध्यक्ष, उपाध्यक्ष, सचिवसहित केन्द्रीय सदस्यहरुका लागि मतदान गरिएको थियो। खुला केन्द्रीय सदस्य, खुला महिला केन्द्रीय सदस्यसहित केही समावेशी पदमा मतदान भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
