‘अन्तिम’ प्रदर्शन हुँदा सिनेमा घरमा पटाका पड्काउँदै प्रशंसक, पटका लिएर नजान सलमानको अपिल

सिनेमा

नेपाल लाइभ आइतबार, मंसिर १२, २०७८ १३:२५

काठमाडौं– बलिउड अभिनेता सलमान खान र आयुष शर्मा अभिनित फिल्म ‘अन्तिमः द फाइनल ट्रुथ’ यतिबेला चर्चाको विषय बनेको छ। २६ नोबेम्बरबाट सिनेमा हलमा प्रदर्शनमा आएको फिल्मलाई दर्शकले निकै राम्रो प्रतिक्रिया दिइरहेका छन्।

फिल्मको सफलताबीच दर्शकले सिनेमा घर भित्रै पटाका पडकाएर खुसीयाली समेत मनाएका छन्। सामाजिक सञ्जालमा चर्चित बनेको एक भिडियोमा सलमानका प्रशंसकहरुले सिनेमा घरभित्रै रमाइलो गर्दै ‘अन्तिम’को खुसीयालीमा पटाका पडकाएको देखिएको छ।

आफ्नो फिल्मलाई लिएर दर्शकमा देखिएको उत्साह र सिनेमा घरभित्र भइरहेको घटनालाई लिएर अभिनेता सलमानले पनि टिप्पणी गरेका छन्। उनले सामाजिक सञ्जालमा उक्त भिडियो राख्दै लेखेका छन्, ‘सबै प्रशंसकप्रति मेरो आग्रह छ कि तपाईंहरु सिनेमा घरभित्र पटाका लिएर नजानुहोला। यस्तो गर्दा त्यहाँ आगो लाग्ने खतरा हुन्छ। यस्तोमा तपाईं आफूसँगै अरुको ज्यान पनि खतरामा पारिरहनु भएको छ। म सिनेमा घरका मालिकलाई पनि पटाका लिएर भित्र जान नदिन आग्रह गर्छु।’

सलमानले सम्भावित खतरालाई मध्यनजर गर्दै आफ्ना दर्शकलाइ यस्तो आग्रह गरेका हुन्। उनले सिनेमा घरमा सुरक्षामा खटिएकाहरुले प्रवेशद्वारबाटै पटाका बोकेर जान नदिन समेत अनुरोध गरेका छन्।

महेश मान्जरेकरको निर्देशनमा बनेको फिल्म ‘अन्तिम’ प्रदर्शन यता निकै राम्रो व्यापार गरिरहेको छ। फिल्ममा सलमान र आयुषसँगै महिमा मकवाला पनि मुख्य भूमिकामा छिन्। ‘अन्तिम’ सुपरहिट मराठी फिल्म ‘मुलशी पैटर्न’को हिन्दी रिमेक हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नागरिकता संशोधन विधेयक मन्त्रिपरिषद्‌बाट स्वीकृत, यी ३ व्यवस्था थपिए

ओलीलाई वर्षमानको प्रश्न- भुटानी शरणार्थी, यती,ओम्नी र गिरीबन्धु प्रकरण छानबिन गर्न संसदीय समिति कहिले गठन गर्ने?

स्कर्पियो–कार ठक्कर : १३ घाइतेमध्ये १ जनाको मृत्यु