नेपाली दर्शकलाई जोनको सन्देशः कृपया ‘सत्यमेव जयते’ हेर्नुहोला

सिनेमा

नेपाल लाइभ बिहीबार, मंसिर ९, २०७८ १७:२९

काठमाडौं– बलिउड अभिनेता जोन अब्रहाम मुख्य भूमिकामा रहेको फिल्म ‘सत्यमेव जयते २’ बिहीबार (आज)बाट विश्वभर प्रदर्शन हुँदै छ। नेपालमा पनि यो फिल्मलाई ‘ए एट फिल्मस्’ले प्रदर्शनका लागि ल्याएको छ।

नेपालमा पनि प्रदर्शन हुन लागेको आफ्नो फिल्मलाई लिएर अभिनेता जोनले नेपाली दर्शकका लागि भिडियो सन्देश पठाएका छन्। फिल्म खरिद गरेको वितरकमार्फत् पठाइएको उक्त भिडियोमा नेपाली दर्शकलाई सम्बोधन गर्दै जोनले आफ्नो फिल्म हेर्न हलसम्म जान आग्रह गरेका छन्।

उनी भन्छन्, ‘नमस्ते नेपाल, म जोन अब्रहाम। तपाईंहरुलाई फेरी ठूलो पर्दामा स्वागत छ। कृपया २५ नोभेम्बर (आज) बिहीबार प्रदर्शन हुने ‘सत्यमेव जयते’ आफू नजिकको सिनेमा घरमा हेर्नुहोला। ठूलो पर्दामा फिल्मको रमाइलो लिनुहोला।’

एक्सन थ्रिलर विद्याको यो फिल्ममा जोनसँगै दिव्या खोस्ला कुमार, हर्स छाया, अनुप शोनी, जाकिर हुसैन, गौतमी कपुर लगायतको अभिनय रहेको छ।

फिल्मको निर्देशन तथा लेखन मिलाप जाभेरीले गरेका छन्। टी सिरिजका भुषण कुमारसँगै क्रष्ण कुमार, मोनिका अड्वानी, निख्खिल अड्वानी लगायतको लगानी रहेको यो फिल्ममा सञ्जोय चौधरीको संगीत रहेको छ।

फिल्मलाई नेपालमा प्रदर्शनका लागि ‘ए एट फिल्मस्’ले महंगोमा खरिद गरेको बताइएपनि कतिमा खरिद गरिएको हो भन्ने वितरक कम्पनीले खुलाएको छैन।

यसअघि शुक्रबारबाट प्रदर्शनमा आउन लागेको सलमान खान स्टारर फिल्म ‘अन्तिम’लाई नेपालमा प्रदर्शन गर्नका लागि यही कम्पनीले वितरणको अधिकार खरिद गरेको थियो।

जाेनकाे सन्देश:

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नागरिकता संशोधन विधेयक मन्त्रिपरिषद्‌बाट स्वीकृत, यी ३ व्यवस्था थपिए

ओलीलाई वर्षमानको प्रश्न- भुटानी शरणार्थी, यती,ओम्नी र गिरीबन्धु प्रकरण छानबिन गर्न संसदीय समिति कहिले गठन गर्ने?

स्कर्पियो–कार ठक्कर : १३ घाइतेमध्ये १ जनाको मृत्यु