काठमाडौं– केएल राहुलले न्यूजिल्याण्डविरुद्धको आगामी दुई खेलको टेस्ट सिरिज गुमाउने भएका छन्। बायाँ खुट्टामा लागेकाे चोटका कारण उनले कानपुरमा हुने पहिलो टेस्ट सिरिज गुमाउने भएका हुन्।
उनको बेंगलुरुस्थित राष्ट्रिय क्रिकेट एकेडेमी (एनसीए) मा उपचार हुनेछ। उनको स्थानमा सूर्यकुमार यादवलाई टोलीम बोलाइएको छ। ३१ वर्षीय मध्यक्रमका ब्याट्सम्यान सूर्यकुमार इंग्ल्याण्डमा भएको भारतीय टेस्ट टोलीमा थिए। तर, खेल खेल्ने भने मौका पाएनन्।
भारतीय टी२० अन्तर्राष्ट्रिय टोलीका नियमित सदस्य सूर्यकुमार रणजी ट्रफीमा मुम्बईका लागि महत्वपूर्ण खेलाडी हुन्। हालैको रणजी सिजन २०१९-२० मा उनले १० इनिङ्समा ५६.४४ को औसत र ९५.१३ को स्ट्राइक रेटमा ५०८ रन बनाए। यस क्रममा उनले दुई शतक र दुई अर्धशतक प्रहार गरे। उनले ७७ फर्स्ट क्लास खेलमध्ये ७१ रणजी ट्रफी खेलेका छन्।
राहुलको अनुपस्थितिमा शुभमन गिल र मयंक अग्रवालले इनिङ्स ओपन गर्ने सम्भावना छ। यो टेस्ट सिरिजमा टी० अन्तर्राष्ट्रिय कप्तान रोहित शर्मालाई आराम दिइएको छ। टेस्ट कप्तान विराट कोहलीलाई पहिलो टेस्टका लागि विश्राम दिइएको छ र दोस्रो टेस्टका लागि टोलीमा फर्केर कप्तानी सम्हाल्नेछन्। पहिलो टेस्टमा अजिक्य रहाणे टिमको कप्तान हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
