काठमाडौं- नेपाली कांग्रेसको १४औं महाधिवेशनअन्तर्गत रुपन्देही क्षेत्र नम्बर २ मा महाधिवेशन प्रतिनिधिको निर्वाचनपछि जारी मतगणना रोकिएको छ।
गृहमन्त्री बालकृष्ण खाणनिकट व्यक्ति मतगणना स्थलमा प्रवेश गरेपछि मत गणना रोकिएको हो।
महाधिवेशन प्रतिनिधिमा उठेका दीर्घबहादुर केसीले मतदानस्थलबाट दिएको जानकारीअनुसार महाधिवेशनसँग सम्बन्ध नै नरहेका व्यक्ति मतगणना भइरहेको स्थलमा प्रवेश गर्दै बिथोल्ने प्रयास गरिरहेका छन्।
बुटवलमा भइरहेको मत गणनाका क्रममा असम्बन्धित युवाहरु आएर होहल्ला गरेपछि हाल मतदान रोकिएको उनले बताए।
रुपन्देही-२ को सभापतिका लागि हरि लम्साल र काजीमान श्रेष्ठ प्रतिस्पर्धामा छन्। श्रेष्ठ पक्षले मत गणना आजको लागि सार्न अनुरोध गरेपछि एक दिन पर सारिएको थियो।
श्रेष्ठ देउवापक्ष र लम्साल पौडेलपक्षका उम्मेदवार हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764947412.jpg)
-1764146706.png)
