काठमाडौं- नेपाली कांग्रेसका वरिष्ठ नेता रामचन्द्र पौडेल पक्षले रुपन्देही ३ को अधिवेशन बहिष्कार गरेपछि उक्त क्षेत्रको अधिवेशन रोकिएको छ।
कांग्रेस सभापति शेरबहादुर देउवा पक्ष र वरिष्ठ नेता पौडेल पक्षबीच अधिवेशन आज गर्ने र सार्ने विषयमा विवाद भएको थियो। मतदान प्रक्रिया ढिलो भएको कारण देखाउँदै पौडेल पक्षले अधिवेशन बहिष्कार गरेको हो।
पौडेल पक्षका जिल्ला नेता मातृका प्रसाद यादव पक्षले मतदान बहिष्कार गरेको थियो। राति मतदान हुँदा सुरक्षा नहुने भन्दै पौडेल पक्ष सशंकित बनेको हो। मतदान प्रक्रिया सुरु भइसकेपछि बहिष्कार गर्दै मतदान स्थलबाट पौडेल पक्ष बाहिरिको थियो।
यसअघि पनि रुपन्देहीको ३ नम्बर क्षेत्रको प्रदेश अधिवेशनमा पौडेल र गृहमन्त्री बालकृष्ण खाण पक्षका कार्यकर्ताबीच झडप भएको थियो।
देउवा पक्षका कार्यकर्ताले भने मतदानको माग गरिरहेका छन्। एक पक्षले बहिष्कार गरेपछि अधिवेशन अनिश्चिकालका लागि रोकिएको निर्वाचन समितिले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
