काठमाडौं- सत्तारुढ नेपाली कांग्रेसको आसन्न १४औं महाधिवेशन अन्तर्गत भइरहेका अधिवेशनमा किशोर उमेर समूहका प्रतिनिधि चयन भइरहेका छन्।
पुरानो पुस्ताको उपस्थित बढी हुँदा कांग्रेसको नेतृत्व तह र महाधिवेशनहरुमा युवा पुस्ताको आकर्षण नभएको आरोप लागिरहँदा आसन्न अधिवेशनमा भने केही फरकपन देखिएको छ। १८ वर्ष उमेर समूह देखिका किशोर किशोरीहरु विभिन्न तहका अधिवेशनमा प्रतिनिधिमा निर्वाचित भएका छन्।
कांग्रेस प्रवक्ता विश्वप्रकाश शर्मा यसलाई कांग्रेसमा नयाँ पालुवाको रुपमा लिन्छन्। सोलुखुम्बुबाट महाधिवेशन प्रतिनिधिमा २१ वर्षीया पूजा फुयाल चयन भएको भन्दै शर्माले सामाजिक सञ्जालबाट कांग्रेसमा नयाँ पालुवा पलाउँदै गरेको उल्लेख गरेका छन्।
शर्माले लेखेका छन्, नयाँ पालुवा पलाउँदैछ कांग्रेसमा! बढ्दो युवा लहर र जागरणको एक प्रतिनिधि अनुहार २१ वर्षीया पूजा फुयाल। सोलुखुम्बुबाट महाधिवेशन प्रतिनिधिमा विजयी। उत्साही पूजालाई धेरै बधाई।'
यसअघि बाग्लुङमा शनिबार सम्पन्न प्रतिनिधिसभा निर्वाचन क्षेत्र नम्बर १ प्रदेश सभा 'क' अन्तर्गतको अधिवेशनमा १८ वर्षीया किशोरी उषा सापकोटा विजयी भएकी थिइन्। निर्वाचनमा उनले सबैभन्दा धेरै मत पाएकी थिइन् भने मोरङ क्षेत्र नम्बर ६ (ख) मा पनि १८ वर्षीया रक्षा यादव सर्वसम्मतीमा प्रदेश प्रतिनिधिमा चयन भएकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_3anZTthbso-1766484950.jpg)
-1764146706.png)
-1777595787.png)
