स्पाइडर मेनः नो वे होम’को ट्रेलर सार्वजनिक

सिनेमा

नेपाल लाइभ बुधबार, मंसिर १, २०७८ १२:१३

काठमाडौं– सुपर हिरो फिल्म ‘स्पाइडर मेन’ शृङ्खलाअन्तर्गतको नयाँ फिल्म ‘स्पाइडर मेनः नो वे होम’को ट्रेलर सार्वजनिक भएको छ। ‘सोनी पिक्चर्स इन्टरटेनमेन्ट’को उत्पादनका रुपमा बनेको फिल्मको ट्रेलर बुधबार सार्वजनिक भएको हो।

फिल्मको निर्देशन जोन वाट्सले गरेका हुन्। स्टेन लि र स्टिभ डिट्कोले लेखेको ‘मार्बल कमिक’मा आधारित रहेको फिल्मको पटकथा लेखक क्रिस म्याककेन्ना र एरिक सोम्मर्सले गरेका छन्।

फिल्ममा स्पाइडर मेनको रहेका पिटर पार्कर (टोम होल्याण्ड अभिनित) पात्रको परिचय खुलेपछिको कथालाई देखाइएको छ। सारा विश्वले नै स्पाइडर मेन को हो भन्ने थाहा पाएपछिको कथालाई फिल्ममा प्रस्तुत गरिएको छ।

आफ्नो व्यक्तिगत जीवन र आफ्ना नजिककाहरुको जीवन खतरामा पर्ने भएपछि पिटरले डक्टर स्ट्रेन्जको सहयोगमा सबै रहस्यहरु फेरि लुकाउन गरेको प्रयास असफल भएपछिको कथा फिल्ममा देखिन्छ। फिल्ममा स्पाइडर मेन श्रृङ्खलाको पहिलो भाग देखिका घट्नाहरु जोडिएर आएका छन्।

डिसेम्बर १७ बाट सिनेमा हलमा प्रदर्शन हुने फिल्ममा टम होल्याण्डसहित जेण्डिया, बेनेडिक कम्बरब्याच, ज्याकब बटालोनलगायतको अभिनय रहेको छ।

हेर्नुहोस ट्रेलर–

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जानकी मन्दिरमा सवा लाख दीप प्रज्वलन( तस्विरहरु)

नेपाल, थाइल्याण्ड र नेदरल्याण्ड्स सम्मिलित महिला टी२०आई श्रृंखला हुने

२००७ साल पछि कुनै पनि सरकारले नगरेको काम माओवादी नेतृत्वको सरकारले गरेको नारायणकाजीको दाबी