‘सत्यम’बाट बाहिरिइन् मलिका

सिनेमा

नेपाल लाइभ आइतबार, कात्तिक २८, २०७८ १८:०६

काठमाडौं-‘सत्यम’मा अभिनय गर्ने भनिएकी अभिनेत्री तथा मोडल मलिका महत फिल्मबाट बाहिरिएकी छिन्। उनी आफ्नो व्यक्तिगत कारण देखाउँदै फिल्ममा अभिनय नगर्ने अवस्थामा पुगेकी हुन्।

केही समययता म्युजिक भिडियोमा निकै रुचाइएकी महतले चलचित्रमा फर्किनका लागि ‘सत्यम’मा काम गर्न लागेकी थिइन्।

फिल्ममा काम गर्ने निधो भएपछि उनले धम्पुसमा आयोजना गरिएको कार्यशालामा पनि भाग लिएकी थिइन्। तर, फिल्म फ्लोरमा जाने बेलामा भने उनी चलचित्रबाट बाहिरिएकी छिन्।

दुई वर्षअघि प्रदर्शनमा आएको फिल्म ‘यात्रा’मा अभिनयपछि मलिका गुमानाम भएकी थिइन्। उनको अभिनय रहेको फिल्म पनि नराम्रोसँग ‘फ्लप’ भएको थियो।

पछिल्लो पटक म्युजिक भिडियोमार्फत् चर्चामा आएकी उनले पुन: ‘सत्यम’मार्फत् फिल्म क्षेत्रमा फर्किन लागेकी थिइन्। तर, फिल्म छायांकन हुने बेलामा भने उनी बाहिरिएकी छिन्।

अभिनेता राजेश हमालको कमब्याकको भनिएको फिल्म ‘सत्यम’मा पल शाह, अनुपविक्रम शाही लगायतको अभिनय रहेको छ।

फिल्मलाई शंकर कार्कीले निर्देशन गर्दै छन् भने यसको लेखन तथा निर्माण रमेश सापकोटाको रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)

नेपाल, थाइल्याण्ड र नेदरल्याण्ड्स सम्मिलित महिला टी२०आई श्रृंखला हुने