शेयर बजारको ओरालो यात्रा कायमै, बिहीबार कारोबार रकम पनि घट्यो

बैंक/बिमा/सेयर

नेपाल लाइभ बिहीबार, कात्तिक २५, २०७८ १६:१७

काठमाडौं– साप्ताहिक कारोबारको अन्तिम दिन बिहीबार पनि शेयर बजारमा भारी गिरावट आएको छ। बिहीबार शेयर बजार परिसूचक (नेप्से) ५९.५७ अंकले घटेर २६९०.२९ बिन्दुमा पुगेको छ।

बिहीबार 'क' वर्गका कम्पनीहरुको कारोबार मापन गर्ने सेन्सिटिभ इन्डेक्स पनि १०.६३ अंकले घटेर ५०२.१९ बिन्दुमा पुगेको छ।

बिहीबार सबै कम्पनीको उपसूचकहरु ओरालो लागे। बिहीबार जीबन बिमा समूह ३१६.४, निर्जीबन बिमा समूह २९३.७३, विकास बैंक १९४.२८, बैंकिङ समूह २९.०८, जलविद्युत ७०.४५, फाइनान्स १०९.२६, माइक्रोफाइनान्स समूहको उपसूचक ११४.१६ अंकले घट्यो।

बिहीबार २२५ कम्पनीको ९४ लाख ७५ हजार ९३६ कित्ता शेयर किनबेच भयो। बिहीबार शेयर बजारमा ५ अर्ब ११ करोड ९६ हजार रुपैयाँको कारोबार भयो।

अघिल्लो कारोबार दिनको तुलनामा बिहीबार कारोबार रकम पनि घटेको हो। छठ बिदा अगाडि (सोमबार) शेयर बजारमा ६ अर्ब बढीको कारोबार भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपालको पासपोर्ट झन कमजोर बन्यो

काठमाडौंका यी स्थानमा आज विद्युत आपूर्ति नहुने

राष्ट्रपति रामचन्द्र पौडेलद्वारा पृथ्वीनारायण शाहको शालिकमा माल्यार्पण (तस्वीरहरू)