सामलिङ पावर कम्पनीको आईपीओ आज बाँडफाँट हुँदै

बैंक/बिमा/सेयर

नेपाल लाइभ मंगलबार, कात्तिक १६, २०७८ ०६:५२

काठमाडौं– सामलिङ पावर कम्पनी लिमिटेडले निष्कासन गरेको प्राथमिक सेयर (आईपीओ) आज (मंगलबार) बाँडफाँट हुने भएको छ। कम्पनीको सेयर निष्काशन तथा बिक्री प्रबन्धक नेपाल एसबिआई मर्चेण्ट बैंकिङका अनुसार मंगलबार बिहान ८ः३० बजे सेयर बाँडफाँट हुनेछ।

कम्पनीको सेयरमा २२ लाख ६५ हजार ६९८ आवेदकबाट २ अर्ब ६९ करोड ३३ लाख ५० हजार रुपैयाँ बराबरको २ करोड ६९ लाख ३३ हजार ५०० कित्ताका लागि आवेदन परेको विक्री प्रबन्धकले जनाएको छ। यो माग भन्दा ३९.६७ गुणा बढी हो।

न्युनतम १० कित्ताको दरले सेयर वितरण गर्दा ६७ हजार ८९० आवेदकले मात्रै सेयर पाउनेछन्। त्यस अनुसार करिब २२ लाख आवेदकले सेयर नपाउने देखिन्छ।

कम्पनीले बिहीबार कात्तिक ४ गतेदेखि ७ करोड ३० लाख रुपैयाँ बराबरको ७ लाख ३० हजार कित्ता साधारण सेयर निष्कासन गरेको थियो।

कम्पनीले सर्वसाधारणका लागि छुट्याएको ७ करोड ३० लाख बराबर रुपैयाँको ७ लाख ३० हजार कित्ता सेयरमध्य २ प्रतिशत अर्थात् १४ हजार ६०० कित्ता कम्पनीका कर्मचारीहरुका लागि र ५ प्रतिशत अर्थात् ३६ हजार ५०० कित्ता सामूहिक लगानी कोषका लागि सुरक्षित गरी बाँकी ६ लाख ७८ हजार ९०० कित्ता सार्वजनिक निष्कासनमा ल्याएको हो।

यो सेयर खरीदका लागि न्यूनतम १० कित्तादेखि अधिकतम २० हजार कित्तासम्म माग गर्न सकिने व्यवस्था थियो । कम्पनीको आईपीओलाई इक्रा नेपालले वित्तीय दायित्व पूरा गर्ने सम्बन्धमा मध्यम जोखिम संकेत गर्ने इक्राएनपी आईआर डबल बी माईनस रेटिङ प्रदान गरेको छ।

सर्वसाधारणलाई आईपीओ जारी गर्नुअघि कम्पनीले पहिलो चरणमा आयोजना प्रभावित स्थानीयलाई ५ करोड रुपैयाँबराबरको ५ लाख कित्ता सेयर वितरण गरिसकेको छ।

कम्पनीले इलाम जिल्लामा ९ दशमलव ५१ मेगावाट क्षमताको माईबेनी जलविद्युत् आयोजनाको निर्माण कार्य सम्पन्न गरी असोज १ गतेदेखि नै व्यापारिक उत्पादन सुरु गरिसकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विद्युत् चुहावट १२.७३ प्रतिशतमा सीमित

राज्य एकीकरण अभियानमा ज्यानको प्रवाह नगरी होमिने पुर्खाहरूप्रति उच्च सम्मान छ : प्रधानमन्त्री ओली

पुल भासिएपछि दुम्कीबासमा लामो जाम (तस्बिरहरू)