सिद्धार्थ बैंकले १५ प्रतिशत लाभांश वितरण गर्ने

बैंक/बिमा/सेयर

नेपाल लाइभ सोमबार, कात्तिक ८, २०७८ १६:२७

काठमाडौं- सिद्धार्थ बैंकले आर्थिक वर्ष २०७७/७८ को वितरणयोग्य मुनाफाबाट बैंकका शेयरधनीहरुलाई १५ प्रतिशत लाभांश प्रस्ताव गरेको छ।

बैंकको आइतबार बसेको सञ्चालक समितिको ३८१औं बैठकले आफ्ना शेयरधनीहरुलाई १४.२५ प्रतिशत बोनस शेयर र ०.७५ प्रतिशत नगद लाभांश (बोनस शेयर कर प्रयोजनका लागि मात्र) गरी कुल १५ प्रतिशतको लाभांश वितरण गर्ने प्रस्ताव गरेको हो।

बैंकको हालको चुक्ता पूँजी १० अर्ब ९६ करोड २२ लाख ९९ हजार एक सय ९५ रुपैंया मा १४.२५ प्रतिशत बराबरको एक अर्ब ५६ करोड २१ लाख २७ हजार छ सय ३६ रुपैंया बोनस शेयर तथा ०.७५ प्रतिशत बराबरको आठ करोड २२ लाख १७ हजार दुई सय ४४ रुपैंया मात्र नगद लाभांश प्रस्ताव गरेको हो।

उक्त लाभांश नेपाल राष्ट्र बैंकबाट स्वीकृति भएपछि तथा आगामी साधारण सभाबाट पारित भएपछि वितरण गरिने छ।

सिद्धार्थ बैंकले हाल देशभर १८९ वटा शाखा (३ एक्स्टेन्सन् काउन्टर सहित), ११४ शाखारहित बैकिङ्ग र २०९ एटिएम मार्फत बैकिङ्ग सेवा दिदैं आएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सशस्त्र र नेपाल प्रहरी विधेयक संसदमा पेश गर्न मन्त्रिपरिषदको स्वीकृति

राप्रपाको जलपानमा प्रधानमन्त्री पनि उपस्थित

प्रधानमन्त्रीको अभिव्यक्ति सहमति विपरीत छ, कांग्रेसले गम्भीर समीक्षा गर्नुपर्छ : नेता महर