इन्भेष्टमेन्ट बैंकको लाभांश परिमार्जन, बोनस सेयरमा जोड

बैंक/बिमा/सेयर

नेपाल लाइभ बुधबार, कात्तिक ३, २०७८ १३:१७

काठमाडौं– नेपाल इन्भेष्टमेन्ट बैंकले यसअघि घोषणा गरेको लाभांश संशोधन गरेको छ।बैंकले गत आर्थिक वर्षको मुनाफाबाट सेयरधनीलाई वितरण गर्न घोषणा गरेको लाभांशमा नगद र बोनस सेयरको अंश परिमार्जन गरेको हो।

बैंकले कुल लाभांश भने परिवर्तन गरेको छैन। बैंकले अब सेयरधनीहरुलाई १२.६११ प्रतिशत बोनस शेयर र ३.३८९ प्रतिशत नगद लाभांश गरी कुल १६ प्रतिशत लाभांश वितरण गर्ने भएको छ। यसअघि ११.२४ प्रतिशत बोनस सेयर र ४.७६ प्रतिशत नगद लाभांश थियो।

नेपाल राष्ट्र बैंकको निर्देशन अनुसार बैंकले लाभांश संशोधन गरेको जनाएको छ। कात्तिक २ गते बसेको बैंकको सञ्चालक समितिको बैठकले लाभांश संशोधन गर्ने निर्णय गरेको हो।

नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।

हाल बैंकको चुक्ता पूँजी १६ अर्ब २५ करोड ७३ लाख २९ हजार ५०० रुपैयाँ छ। प्रस्तावित बोनस सेयर वितरणपश्चात् बैंकको चुक्ता पूँजी १८ अर्ब ३० करोड ७५ लाख ४१ हजार ३२३ रुपैयाँ पुग्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्कर्पियो–कार ठक्कर : १३ घाइतेमध्ये १ जनाको मृत्यु

सशस्त्र र नेपाल प्रहरी विधेयक संसदमा पेश गर्न मन्त्रिपरिषदको स्वीकृति

राप्रपाको जलपानमा प्रधानमन्त्री पनि उपस्थित