काठमाडौं- सत्ता गठबन्धनमा रहेको राष्ट्रिय जनमोर्चाले रुपन्देहीको बुटवल उपमहानगरपालिका मोतिपुरमा भएको घटनाप्रति सरकारको ध्यानाकर्षण गराएको छ।
असोज २४ गते प्रहरी र जनताबीच मुठभेड हुँदा ४ जनाको मृत्यु भएको र दर्जनौँ सर्वसाधारण र प्रहरीहरु घाइते हुनेगरी भएको घटनाप्रति राष्ट्रिय जनमोर्चाको ध्यानआकर्षण भएको भन्दै अध्यक्ष चित्रवहादुर केसीले सुकुम्वासी समस्या समाधान गर्न सरकारसँग आग्रह गरेका छन्।
जग्गाको विषयलाई लिएर भएको उक्त घटनामा सरकार र राज्यका निकायले संयमता र कुशलतापूर्वक समाधान गर्न नसकेर ४ जनाको ज्यान गएको जनमोर्चाको ठहर छ।
सरकारले मृतकका परिवारलाई क्षतिपूर्ति दिनु पर्ने र घाइतेहरुको निःशुल्क उपचार गर्न जनमोर्चाले माग गरेको छ।
नेपालमा भूमिसम्बन्धी समस्या गम्भीररुपमा रहेको भन्दै जनमोर्चाले यो समस्या देशको ठूलो राष्ट्रिय समस्या भएको जनाएको छ।
जग्गा दलालहरुले ठूलो मात्रामा कृषियोग्य जमिन प्लटिङगरी अत्यन्त महङ्गोमा जनतालाई बिक्री गर्ने गरेका भन्दै उसले उचित नीति ल्याउन पनि सरकारको ध्यानाकर्षण गराएको छ।
गुठी जग्गाको पनि समस्या रहेको र भूमिहीन सुकुम्बासी जनताले बास बस्ने जग्गा समेत नपाइरहेको केसीको विज्ञप्तिमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
