फाइल तस्बिर
काठमाडौं- प्रतिनिधि सभाको बैठक आगामी कात्तिक ९ गतेसम्मका लागि स्थगित भएको छ। सोमबारको बैठकको अन्तिममा सभामुख अग्निप्रसाद सापकोटाले दशैं लगायतका चाडपर्वको शुभकामना दिँदै बैठक स्थगित गरेका हुन्।
वेल घेर्न पुगेका एमालेका सांसदहरुले संवैधानिक सर्वोच्चता कायम गर, पदीय मर्यादा कायम गर, संवैधानिक सर्वोच्चता कायम गर, पक्षपातपूर्ण व्यवहार बन्द गर, पक्षपातपूर्ण व्यवहार मुर्दावाद, पार्टी फुटाउने षडयन्त्र मुर्दावाद, गैरसांसदलाई प्रवेश निषेध गर, कालोधन हामीलाई चाहिँदैन देश लुट्न पाइँदैन लगायतका नारा लगाएका थिए।
सभामुखले प्रतिनिधि सभालाई सुव्यवस्थित ढंगले सञ्चालनको लागि सहयोग गर्न आग्रह गरेका थिए। उनले आम जनमानसमा संसद्प्रति निराशा उत्पन्न हुनेमा सचेत रहनुपर्ने बताएका थिए। तर एमालेका सांसदहरुले नाराबाजी कायमै राखेका थिए।
त्यसपछि सभामुखले राष्ट्रपति कार्यालयबाट आएको मन्त्रिपरिषद् गठनसम्बन्धी पत्र पढेर सुनाएका थिए।
त्यस्तै, प्रधानमन्त्री शेरबहादुर देउवाको तर्फबाट कानुन, न्याय तथा संसदीय मामिलामन्त्री दिलेन्द्रप्रसाद बडुलाई मधेसी आयोगको तेस्रो वार्षिक प्रतिवेदन पे; गर्न समय दिएका थिए।
आजैको बैठकमा राष्ट्रिय सभामा उत्पत्ति भइ प्रतिनिधि सभामा विचाराधीन रहेको रेल्वे विधेयक २०७६ फिर्ता गर्ने राष्ट्रिय सभाको सहमति प्राप्त भएकाले विधेयक फिर्ता लिने प्रस्ताव प्रस्तुत गर्न भौतिक पूर्वाधार तथा यातायात मन्त्री रेणुकुमारी यादवलाई समय दिए। यसअघि असोज २२ गतेको बैठकले सो विधेयक फिर्ता लिन राष्ट्रिय सभाको सहमति लिने प्रस्ताव पारित भएको थियो। सोमबारको बैठकबाट सो विधेयक फिर्ता भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
