काठमाडौं- नेकपा एमाले सांसद खिमलाल भट्टराईले सत्तापक्षका सांसदहरुलाई संसद् बाहिर लोगो लगाएर हिँड्न सक्ने अवस्था नरहेको दाबी गरेका छन्।
राष्ट्रिय सभाको सोमबारको बैठकको सुरुमै समय लिएर बोल्दै एमाले संसदीय दलका नेता भट्टराईले सरकारले गरेका कामका कारण सत्तापक्षका सांसदहरुको शिर निहुरिएको तर्क गरे।
यसअघि एमालेलाई कमजोर बनाउने उदेश्यले काम भएपनि अहिले परमादेशबाट एमाले नेतृत्वको सरकार हटाउन सफल हुनुको रहस्य बाहिर आउन थालेको उनको भनाइ थियो। ‘बाहिर सत्ताधारीका संसदको लोगो लगाउने सक्नु भएको छैन’ उनले भने ‘ दशैं राम्ररी मनाउने अवस्था होला तर अरु केही छैन।’
कुन उद्देश्यका निम्ति परमादेश कसरी जारी भयो खुलासा भएको भन्दै उनले प्रधानन्यायाधीशले मन्त्री माग्ने र बनाउने काम भएको भन्दै सरकार लोकतन्त्र कमजोर बनाउने काममा लागेको दाबी गरे।
स्वतन्त्र न्यायपालिका धरासयी बनाउने काम भएको उनले दाबी गरे। परमादेशको पटाक्षप भएको भन्दै उनले एउटा मन्त्री नियुक्त हुनुले वा राजीनामा दिनुले पुग्यो कि पुगेन भन्ने प्रश्न उठेको उनले बताए।
‘देश कता लैजान खोजिदैँछ भन्ने कुराको जवाफ सरकारले दिनुपर्छ' उनले भने। बूढानीलकण्ठवाट बालुवाटार आएर सुत्ने बाहेक शेरबहादुर देउवाले कुनै काम नगरेको उनको आरोप थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
