काठमाडौं– नेकपा एमालेका नेता शंकर पोखरेलले नेकपा एकीकृत समाजवादीले मन्त्री छान्ने अधिकार अध्यक्ष माधवकुमार नेपाललाई दिएको भन्दै टिप्पणी गरेका छन्।
बिहीबार बसेको नेकपा एकीकृत समाजवादीको स्थायी कमिटी बैठकले अध्यक्ष नेपाललाई मन्त्री छान्ने जिम्मा दिएपछि एमाले नेता पोखरेलले सामाजिक सञ्जालमार्फत टिप्पणी गरेका हुन्।
नेकपा एमालेका अध्यक्ष केपी ओलीलाई जिम्मेवारी दिँदा मन्त्री छान्ने अधिकार कमिटीको भनेर नथाक्ने नेपालले अध्यक्ष भएपछि त्यसको जिम्मेवारी लिएको भन्दै उनले कटाक्ष गरेका हुन्।
‘केपी ओली अध्यक्ष भएकावेला मन्त्री छान्ने अधिकार कमिटीको हो भनि नथाक्ने माधव नेपालले आफू अध्यक्ष भएपछि त्यो अधिकार आफैसँग राख्नु भएछ’ पोखरेलले भनेका छन्।
बालुवाटारमा अहिले शीर्ष नेताहरुको बैठक बसिरहेको छ। असार २९ गते प्रधानमन्त्री नियुक्त भएका शेरबहादुर देउवाले आज मन्त्रिपरिषद्लाई पूर्णता दिने तयारी गरेका छन्।
मन्त्रालय भागबण्डाको विषयमा यसअघि नै गठबन्धनका दलहरुबीच भागबण्डा भइसकेको छ। सोही अनुसार माओवादी केन्द्रले मन्त्री बन्नेहरुको नाम सार्वजनिक गरिसकेको छ।
जसपामा मन्त्रीहरुको नाम टुंग्याउने जिम्मा डा बाबुराम भट्टराई, उपेन्द्र यादव र अशोक राईलाई दिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775612045.png)
-1764146706.png)
