न्यादी हाइड्रोपावरको आईपीओमा १४ गुणा बढी सेयरका लागि आवेदन

बैंक/बिमा/सेयर

नेपाल लाइभ मंगलबार, असोज १९, २०७८ १९:५३

काठमाडौं- न्यादी हाइड्रोपावर लिमिटेडको आईपीओमा मागभन्दा १४ गुणा बढी सेयरका लागि आवेदन परेको छ।

मंगलबार साँझसम्ममा २३ लाख ५७ हजार १६६ आवेदकबाट दुई अर्ब ९४ करोड ७७ लाख ६५ हजार रुपैयाँ बराबरको दुई करोड ९४ लाख ७७ हजार ६५० कित्ताको लागि आवेदन परेको कम्पनीको सेयर निष्काशन तथा बिक्री प्रबन्धक ग्लोबल आईएमई क्यापिटलले जानकारी दिएको छ। यसरी प्राप्त आवेदन सर्वसाधारणका लागि निष्काशन गरिएको २० लाख ९२ हजार ५०० कित्ताको १४.०९ गुणा बढी हो।

अब धितोपत्र निष्काशन तथा बाँडफाँट निर्देशिका अनुसार न्यूनतम १० कित्ताको दरले गोलाप्रथामार्फत् सेयर वितरण गरिने बिक्री प्रबन्धक ग्लोबल आईएमई क्यापिटलले जानकारी दिएको छ। त्यसअनुसार दुई लाख नौ हजार २५० आवेदकले न्यूनतम १० कित्ता सेयर पाउनेछन्।

कम्पनीले गत शुक्रबारदेखि सर्वसाधारणका लागि २२ करोड ५० लाख रुपैयाँ बराबरको २२ लाख ५० हजार कित्ता सेयर निष्काशन गरेको थियो। निष्काशन गरिएका कूल सेयरमध्ये दुई प्रतिशत अर्थात् ४५ हजार कित्ता सेयर कर्मचारीहरुका लागि र पाँच प्रतिशत अर्थात् एक लाख १२ हजार ५०० कित्ता सेयर सामूहिक लगानी कोषलाई छुट्याएर बाँकी रहने २० लाख ९२ हजार ५०० कित्ता सेयरमात्रै सर्वसाधरणका लागि आवेदन खुला गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)