जर्मन बुन्डेसलिगा : बायर्न म्युनिख पराजित

फुटबल

नेपाल लाइभ सोमबार, असोज १८, २०७८ ०७:१७

काठमाडौं– जर्मन बुन्डेसलिगा फुटबलअन्तर्गत बायर्न म्युनिख पराजित भएको छ। सुरुवाती अग्रता जोगाउन नसक्दा बायर्न पराजित भएको हो।

आइतबार राति सम्पन्न खेलमा बायर्न फ्रान्कफर्टसँग २–१ गोल अन्तरले पराजित भएको हो। बायर्न घरेलु मैदानमै पराजित भएको हो। लिगको जारी सिजनमा यो बायर्नको पहिलो हार हो।

खेलको २९औं मिनेटमा लियोन गोरेटज्काले गोल गर्दै बायर्नलाई अग्रता दिलाएका थिए। तर, ३२ औं मिनेटमा मार्टिनले गोल गर्दै फ्रान्कफर्टलाई १–१ को बराबरीमा ल्याए।

त्यसपछि खेलको ८३ औं मिनेटमा फिलिप कोस्टिकले गोल गर्दै फ्रान्कफर्टलाई २–१ को जित दिलाए।
यस जितसँगै १३ औं स्थानको फ्रान्कफर्टले ७ खेलमा ८ अंक जोडेको छ। पराजयपछि पनि बायर्न १६ अंकका साथ शीर्ष स्थानमा यथावत छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

एसईई दिएर बसेका दुई किशोरको पौडी खेल्ने क्रममा ज्यान गयो

इजरायलमाथि हवाई नाकाबन्दी लगाउने हुथीको चेतावनी

शिक्षा मन्त्रालयले निजी मेडिकल कलेजलाई भन्यो- आवासीय चिकित्सकलाई आठौं तह सरह निर्वाह भत्ता देउ, हतोत्साहित नगर