ला लिगा : बार्सिलोनामाथि एट्लेटिको मड्रिडको जित

फुटबल

नेपाल लाइभ आइतबार, असोज १७, २०७८ ०६:५१

काठमाडौं– स्पेनिस ला लिगामा बार्सिलोना एट्लेटिको मड्रिडसँग पराजित भएको छ। उरुग्वेली फरवार्ड लुइस सुआरेजले एक गोल गर्दै अर्काे असिस्ट दिएपछि बार्सिलोना २–० गोलअन्तरले पराजित भएको हो।

वान्डा मेट्रोपोलिटानोमा शनिबार राति भएको खेलमा एट्लेटिकोको जितमा थोमस लेमार र लुइस सुआरेजले गोल गरेका थिए।

खेलको दुवै गोल पहिलो हाफमा नै भएको थियो। २४औं मिनेटमा थोमस लेमारको गोलबाट एट्लेटिकोले अग्रता लिएको थियो। उनले लुइस सुआरेजको पासमा गोल गरेका थिए।

खेलको ४४औं मिनेटमा सुआरेजले थोमस लेमारको पासमा गोल गरेपछि एट्लेटिकोले पहिलो हाफमा २–० को अग्रता लिएको थियो।

दुई गोलले पछि परेको बार्सिलोनाले घरेलु टोलीमाथि बल पोसेसन राख्दै दवाव बढाए पनि फिनिसिङमा चुक्दा ला लिगामा सिजनको पहिलो हार बेहार्न पुग्यो।

एट्लेटिको भने ला लिगामा अपराजित रहेको छ। जितसँगै अपराजित रहेको एट्लेटिकोले ८ खेलबाट १७ अंक जोड्दै शीर्ष स्थानको रियल मड्रिडसँग अंक बराबरी गरेपनि गोल अन्तरमा दोस्रो स्थानमा रहेको छ।

पराजित बार्सिलोना ७ खेलबाट १२ अंक जोडेर नवौं स्थानमा रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

३०० दिनमा टियु क्रिकेट रंगशाला नबनेपछि दुई महिना म्याद थप

एसईई दिएर बसेका दुई किशोरको पौडी खेल्ने क्रममा ज्यान गयो

इजरायलमाथि हवाई नाकाबन्दी लगाउने हुथीको चेतावनी